Mumbai: పట్టాలు తప్పిన మోనోరైలు.. గాల్లో మొదటి కోచ్ (వీడియో)

Mumbai: మహారాష్ట్రలోని ముంబైలో మోనోరైలు రైలు పరీక్షా సమయంలో ప్రమాదానికి గురైంది. మోనోరైలు పట్టాలు తప్పడంతో దాని ముందు భాగం గాల్లోనే నిలిచిపోయింది. అదృష్టవశాత్తూ, పరీక్ష సమయంలో ప్రయాణికులెవరూ లేకపోవడంతో పెద్ద విషాదం తప్పింది. మోనోరైలు రైలు పట్టాలు తప్పి ఒక నిర్మాణాన్ని ఢీకొట్టినట్లు చెబుతున్నారు. MMRDA, పోలీసు అధికారులు సంఘటనా స్థలానికి చేరుకుని పరిస్థితిని అంచనా వేస్తున్నారు.

READ MORE: Phone Chargers: ఇలాంటి మొబైల్ ఛార్జర్లు కొనొద్దు.. హెచ్చరిక జారీ చేసిన ప్రభుత్వం..!

ప్రమాదంలో మోటార్‌మ్యాన్ గాయపడ్డాడు. అయితే, రెస్క్యూ సిబ్బంది సకాలంలో సంఘటనా స్థలానికి చేరుకుని అతన్ని రక్షించారు. ఈ సంఘటనలో రైలు అలైన్‌మెంట్ దెబ్బతింది. ఈ సంఘటనకు చెందిన ఓ వీడియో సోషల్ మీడియాలో వైరల్‌గా మారింది. మోనోరైలు నిర్మాణంపై ఆగిపోయినట్లు వీడియోలో స్పష్టంగా కనిపిస్తోంది. పట్టాలు తప్పడం వల్ల.. ముందుకు కదలలేకపోతోంది. ముంబైలోని మోనోరైలును MMRDA అనుబంధ సంస్థ అయిన మహా ముంబై మెట్రో ఆపరేషన్ కార్పొరేషన్ లిమిటెడ్ నిర్వహిస్తుండటం గమనించదగ్గ విషయం. ఈ సంవత్సరం వర్షాకాలంలో తరచుగా అంతరాయాలు, సాంకేతిక సమస్యల కారణంగా ముంబైలోని ఏకైక మోనోరైలు ప్రస్తుతం సేవలకు దూరంగా ఉంది. ఒక వేళ ప్రయాణికులు ఉంటే పరిస్థితి ఏంటనే ప్రశ్నలు ఉత్పన్నమవుతున్నాయి.

READ MORE: Manchu Brothers : ఫ్యామిలీ గొడవలు పక్కన పెట్టి మళ్లీ ఒక్కటవ్వనున్న మంచు బ్రదర్స్?

A Monorail train, undergoing testing at Mumbai's Wadala, met with an accident after it derailed and hit a structure.

The motorman sustained injuries and was rescued from the spot. The alignment of the train was damaged in the incident. pic.twitter.com/PeYkXRl2YA

— Vani Mehrotra (@vani_mehrotra) November 5, 2025