MS Dhoni: ధోనీని ‘తల ఫర్ ఎ రీజన్’ అని ఎందుకు పిలుస్తారు?.. దాని వెనుక కథను చెప్పిన మహి!

MS Dhoni Thala for a Reason : భారత క్రికెట్ జట్టు మాజీ కెప్టెన్ మహేంద్ర సింగ్ ధోనిని అభిమానులు మహి, తల అని పిలుచుకుంటారు. ఎంఎస్‌ ధోనీ సోషల్ మీడియాలో ‘తల ఫర్ ఎ రీజన్’తో ట్రెండ్ అయ్యాడు. ఇందులో మహి అభిమానులది పెద్ద పాత్ర. ఈ సందర్భంగా ఎంఎస్ ధోని మాట్లాడుతూ.. ఏదైనా జరిగినప్పుడు సోషల్ మీడియాలో డిఫెన్స్ చేయడం అభిమానుల ప్రేమ అని చెప్పుకొచ్చారు.

సీఎస్కే మాజీ కెప్టెన్ మహేంద్ర సింగ్ ధోనీ ఒక కార్యక్రమంలో పాల్గొనడానికి వచ్చారు. అక్కడ క్రికెట్‌కు సంబంధించిన అనేక ప్రశ్నలు అడిగారు. అయితే ఆ మధ్య ‘తలా ఫర్‌ ఏ రీజన్‌’ ట్రెండ్‌ సోషల్‌ మీడియాని ఊపేసింది. ఈ ట్రెండ్‌ గురించి తాజాగా మహీ ఈవెంట్‌లో స్పందించాడు. తనకూ ఇన్‌స్టాగ్రామ్‌ ద్వారానే ‘తలా ఫర్‌ ఏ రీజన్‌’ గురించి తెలిసిందని చెప్పాడు. “అది నాకే తెలియదని, ఇన్‌స్టాగ్రామ్‌ ద్వారానే తెలుసుకున్నానని ధోనీ చెప్పాడు. నేను ఇన్‌స్టాగ్రామ్‌లో లేదా సోషల్ మీడియాలో మాట్లాడాల్సిన అవసరం లేనందున నా అభిమానుల కారణంగా నేను గర్వపడుతున్నాను. ఎప్పుడు కావాలంటే అప్పుడు అభిమానులు నన్ను ఆదుకుంటారు. ఎప్పుడు కావాలంటే అప్పుడు అభిమానులు నన్ను మెచ్చుకుంటారు. కాబట్టి నేను ఏమీ చేయవలసిన అవసరం లేదు. నేను సోషల్ మీడియాలో అంత యాక్టివ్‌గా లేను కానీ నేను పోస్ట్ చేసినప్పుడల్లా నా అభిమానులకు కృతజ్ఞతలు తెలుపుతున్నాను. ఇదంతా అభిమానులకు నాపై ఉన్న ప్రేమ, అందులో భాగంగానే ‘తల ఫర్ ఎ రీజన్’.” అంటూ ధోనీ సమాధానమిచ్చారు.

ఐపీఎల్ 2025 ఆడటంపై అనుమానమే..
ఐపీఎల్ 2025కి సన్నాహాలు ముమ్మరంగా సాగుతుండటం గమనార్హం. అదే సమయంలో సీఎస్‌కే మాజీ కెప్టెన్ ఎంఎస్ ధోనీని ఆడడం లేదా ఆడకపోవడంపై అభిమానుల్లో సందేహం నెలకొంది. ఇదే కార్యక్రమంలో ఐపీఎల్‌ ఆడే అంశంపై ఇప్పుడే ఏమీ చెప్పలేనని చెప్పాడు. ప్రస్తుతం జట్టు ప్రయోజనాలను దృష్టిలో ఉంచుకుని నిర్ణయం తీసుకోనున్నారు.