MP Sribharat: పార్లమెంటు సమావేశాలు కొనసాగుతున్నాయి.. సభ్యులు ఎంపీలుగా ప్రమాణస్వీకారం చేస్తుండా.. పార్లమెంట్ ఆవరణలో ఉద్విగ్న క్షణాలు చోటు చేసుకున్నాయి.. తొలిసారి ఎంపీగా పార్లమెంట్‌లో అడుగుపెట్టిన తన మనవడు శ్రీభరత్‌ను చూసి ఉద్వేగానికి లోనయ్యారు కేంద్ర మాజీ మంత్రి కావూరి సాంబశివరావు.. సార్వత్రిక ఎన్నికల్లో విశాఖపట్నం లోక్‌సభ స్థానం నుంచి విజయం సాధించిన శ్రీభరత్.. కేంద్ర మాజీ మంత్రి కావూరి సాంబశివరావు కూతురు కొడుకు.. ఇక, విశాఖ లోక్‌సభ సభ్యుడు భరత్ ప్రమాణ స్వీకారాన్ని ప్రత్యక్షంగా చూసేందుకు పార్లమెంట్ కు చక్రాల కుర్చీలో వచ్చిన కావూరి సాంబశివరావు. ప్రమాణం స్వీకారం పూర్తి అయిన తర్వాత, పార్లమెంట్ లాబీలో తాత కావూరి సాంబశివరావు పాదాలకు నమస్కరించి ఆశీర్వాదం తీసుకున్నారు.. కాగా, విశాఖపట్టణం లోక్‌సభ స్థానం నుంచి విజయం సాధించిన టీడీపీ ఎంపీ శ్రీభరత్.. ఎంపీగా తెలుగులో ప్రమాణం చేశారు.. కాగా, శ్రీభరత్.. నటసింహ, టీడీపీ ఎమ్మెల్యే నందమూరి బాలకృష్ణకు అల్లుడైన విషయం విదితమే.. బాలయ్య తన చిన్న కూతురు తేజస్వినిని శ్రీభరత్ కు ఇచ్చిన వివాహం చేశారు.. ఇక, గత ఎన్నికల్లో విశాఖ లోక్ సభ నుంచే పోటీ చేసి ఓటమిపాలమైన ఆయన.. ఈ సారి మాత్రం భారీ మెజార్టీతో విజయం సాధించారు.
