Mohan Babu: డైరెక్టర్ శ్రీకాంత్ ఓదెల నన్ను దారుణంగా మోసం చేశాడు.. నాని ముందే బాంబ్ పేల్చిన మోహన్ బాబు!

Mohan Babu: ‘ది ప్యారడైజ్’ సక్సెస్ సెలబ్రేషన్స్‌లో ఉన్న చిత్ర బృందం ఒక స్పెషల్ ఇంటర్వ్యూలో సినిమాకు సంబంధించిన పలు ఆసక్తికరమైన విషయాలను పంచుకుంది. ప్రస్తుతం ఈ ముచ్చట్లు సోషల్ మీడియాలో వైరల్ అవుతున్నాయి. న్యాచురల్ స్టార్ నాని, కలెక్షన్ కింగ్ మోహన్ బాబు, యంగ్ డైరెక్టర్ శ్రీకాంత్ ఓదెల కలిసి పాల్గొన్న ప్రత్యేక చిట్‌చాట్‌లో మోహన్ బాబు చేసిన కొన్ని కామెంట్స్ ఇప్పుడు అందరి దృష్టిని ఆకర్షిస్తున్నాయి. ముఖ్యంగా దర్శకుడు తనను ఎలా ఒప్పించాడు, సెట్‌లో ఏం జరిగిందనే విషయాలను మోహన్ బాబు సరదాగా బయటపెట్టారు. సాధారణంగా పెద్ద నటులను కథలోకి తీసుకురావాలంటే దర్శకులు అనేక రకాల నరేషన్లతో ఒప్పించే ప్రయత్నం చేస్తారు. అయితే ‘ది ప్యారడైజ్’ విషయంలో శ్రీకాంత్ ఓదెల ఏకంగా కలెక్షన్ కింగ్‌కే సినిమాటిక్ స్కెచ్ వేశారన్న విషయం బయటపడింది.

ఈ ఇంటర్వ్యూలో మోహన్ బాబు మాట్లాడుతూ.. ఈ సినిమాలో తన పాత్రకు జోడీగా భార్య పాత్ర ఉంటుందని, అందుకోసం ప్రత్యేకంగా ఒక హీరోయిన్‌ను ఎంపిక చేస్తున్నామని డైరెక్టర్ నమ్మబలికినట్లు చెప్పారు. పాత తరం హీరోయిన్లు కాకుండా సరికొత్త కాంబినేషన్ కోసం ఆఫీసుకు అమ్మాయిలను పిలిపించి ఆడిషన్స్ కూడా నిర్వహించినట్లు చెప్పారన్నారు. ఇదంతా నిజమేనని నమ్మి నేను సెట్స్ పైకి వచ్చి ఒక షెడ్యూల్ షూటింగ్ కూడా పూర్తి చేసేశానన్నారు. ఫస్ట్ షెడ్యూల్ ముగియగానే.. “ఇంతకీ నా పక్కన నటించే హీరోయిన్ ఎక్కడ?” అని నేరుగా డైరెక్టర్‌ని అడిగినట్లు మోహన్ బాబు చెప్పారు. అప్పుడే అసలు నిజం తెలిసిందని ఆశ్చర్యం వ్యక్తం చేశారు. అప్పుడు శ్రీకాంత్ ఓదెల మాట్లాడుతూ.. “సినిమాలో ఆ క్యారెక్టరే అవసరం లేదని తీసేశాం సార్” అంటూ చేతులెత్తేసినట్లు మోహన్ బాబు వెల్లడించారు. నటీనటులను లొకేషన్‌కి రప్పించడానికి కథలో మార్పుల పేరుతో ఇలాంటి ప్లాన్లు వేయడం ఇండస్ట్రీలో కనిపిస్తుంటుంది కానీ, ఏకంగా ఐదు దశాబ్దాల అనుభవం ఉన్న లెజెండరీ నటుడికే దర్శకుడు ఇలా హ్యాండ్ ఇవ్వడంపై సోషల్ మీడియా వేదికగా నెటిజన్లు సరదాగా కామెంట్స్ చేస్తున్నారు. నాని సమక్షంలోనే మోహన్ బాబు ఈ విషయాన్ని నేరుగా బయటపెట్టడంతో, పక్కనే ఉన్న శ్రీకాంత్ ఓదెల నవ్వుతూ తప్పించుకోలేకపోయారు. సినిమా మేకింగ్ వెనుక నడిచిన ఈ కథా నాటకం ప్రస్తుతం సోషల్ మీడియాలో సెన్సేషన్‌గా చక్కర్లు కొడుతోంది.