తెలంగాణ అసెంబ్లీ ఎన్నికల ప్రచారంలో ఎమ్మెల్యే లక్ష్మారెడ్డి దూసుకెళ్తున్నారు. ఊరువాడ అనక.. గడప.. గడపకు తిరుగుతూ బీఆర్ఎస్ ప్రభుత్వంలో అందిస్తున్న సంక్షేమ పథకాలను వివరిస్తున్నారు. అంతేకాకుండా.. జడ్చర్లలో చేసిన అభివృద్ధిని వెల్లడిస్తున్నారు. అయితే.. ఎమ్మెల్యే లక్ష్మారెడ్డి ఎన్నికల ప్రచారంలో భాగంగా నేడు జడ్చర్ల మండలంలోని వివిధ గ్రామాల్లో పర్యటించారు. జడ్చర్ల మండలం వాయిలగడ్డతండా, ఏక్వయిపల్లి, పెద్దఆదిరాల, రామస్వామి గుట్టతండా గ్రామాల్లో ప్రచారం నిర్వహించిన ఎమ్మెల్యే లక్ష్మారెడ్డికి ప్రజాభిమానం వెల్లువెత్తినది.
Also Read : Kotha Prabhakar Reddy : ఎంపీ కొత్త ప్రభాకర్‌ రెడ్డిపై కత్తితో దాడి
ఎమ్మెల్యే లక్ష్మారెడ్డి మా కుటుంబంలో ఒక సభ్యుడిగా ఉంటూ మా కష్టనష్టాలను ఎప్పటికప్పుడు తీరుస్తూ మంచి పాలన అందిస్తున్నాడని కచ్చితంగా ఈ సారి ఎన్నికల్లో భారీ మెజారిటీ తథ్యం అని ప్రజలు తెలిపారు. ఈ సందర్భంగా ఎమ్మెల్యే ప్రజలకు పార్టీ మేనిఫెస్టో వివరిస్తూ, ఇప్పటికే జడ్చర్ల ఎంతో అభివృద్ధి చెందిందని, ఎన్నికల తరువాత మరింత అభివృద్ధి చేసుకుందామని తెలిపారు. ఏ ప్రభుత్వం అమలు చేయని సంక్షేమ కార్యక్రమాలు బీఆర్ఎస్ ప్రభుత్వం చేపట్టిందని.. పని చేసే ప్రభుత్వానికి మద్దతు తెలపాలని కోరారు. సంక్షేమ పథకాలు కొనసాగాలంటే మళ్లీ బీఆర్ఎస్ అధికారంలోకి రావాలన్నారు.
Also Read : IND vs ENG: ఇంగ్లండ్‌పై విజయం.. వరల్డ్‌కప్‌ చరిత్రలో భారత్ అరుదైన రికార్డు!
