సంగారెడ్డి జిల్లా పటాన్ చెరు నియోజకవర్గంలోని గుమ్మడిదల మండల కేంద్రంలోని ప్రధాన కూడలిలో బీజేపీ బహిరంగ సభ నిర్వహించింది. హుజురాబాద్ ఎమ్మెల్యే ఈటల రాజేందర్ ఆధ్వర్యంలో బీజేపీలో చేరారు పలు పార్టీల నేతలు, కార్యకర్తలు. బహిరంగ సభలో హుజురాబాద్ ఎమ్మెల్యే ఈటల రాజేందర్ కీలక వ్యాఖ్యలు చేశారు. టీఆర్ఎస్ ప్రభుత్వంలో గ్రామ గ్రామాన మెడికల్ షాపులు ఉండవు కాని బెల్ట్ షాపులు మాత్రం ఉంటాయన్నారు ఈటల. ఏటా 42వేల కోట్లు కేవలం ఒక్క మద్యంతోనే ప్రభుత్వం సంపాదిస్తుందన్నారు.
Flying Cars: ఎగిరే కార్లు వస్తున్నాయి.. విజయవంతంగా పరీక్షించిన చైనా..
పెన్షన్లు, రైతుబంధు, షాదీ ముంబాయ్ వంటి పధకాలు ప్రజల పైసలతోనే ఇస్తున్నారు. వాటిని మళ్లీ ప్రజలపైనే భారం. రైతుబంధుతో రియల్ వ్యాపారులకూ, ధనవంతులకు, భూస్వాములకు మాత్రమే లబ్ధి చేకూర్చింది. కౌలు దారులు నష్టపోయారు. సచివాలయానికి అంబేద్కర్ పేరు పెట్టడం విడ్డూరం. దళితులను తనవైపు తిప్పుకునే ప్రయత్నం మాత్రమే. ధరణితో 15లక్షల ఎకరాల భూమిని పేదల నుంచి,కొనుగోలుదారుల నుంచి కొల్లగొట్టిన ఘనత టీఆర్ఎస్ దే. దళితులకు మూడెకరాల భూమి ఇస్తొనని చెప్పిన ముఖ్యమంత్రి కేసీఆర్ అసైన్డ్ భూములను కూడా గుంజుకున్నాడు. రింగ్ రోడ్డు చుట్టుపక్కల ఉన్న లక్షల ఎకరాలను ల్యాండ్ ఫూలింగ్ పేరుతో గుంజుకున్న టీఆర్ఎస్ పార్టీ రియల్ ఎస్టేట్ వ్యాపారం చేస్తుందని మండిపడ్డారు.
పేద ప్రజలకు డబుల్ బెడ్ రూం నిర్మించి ఇచ్చిన దాఖలాలు లేవు. కేవలం మాయమాటలతో పబ్బం గడుపుతున్నారు. కేజీ నుంచి పీజీ ఉచిత విద్య, నాణ్యమైన సన్నబియ్యం అన్నం పెడతానని చెప్పిన ముఖ్యమంత్రి వాగ్ధానాలు విస్మరించారు. టీఆర్ఎస్ ప్రభుత్వ అరాచకాలు, అన్యాయాలను అసెంబ్లీలో లేవనెత్తిన బిజేపి నేతలను అసెంబ్లీలోనికి అడుగు పెట్టకుండా కుట్రపూరితంగా వ్యవహరించటం దుర్మార్గ చర్యకదా అని ప్రశ్నించారు. రాబోయే సార్వత్రిక ఎన్నికల్లో టీఆర్ఎస్ పార్టీకి ప్రజలు తగిన గుణపాఠం చెప్పాలని పిలుపునిచ్చారు.
UnStoppable 2: ఇండస్ట్రీలోనే మొదటిసారి.. బాలయ్య షోకు పవన్.. ?
