Free Cylinders: ఏడాదికి 2 ఎల్పీజీ సిలిండర్లు ఫ్రీ.. గుజరాత్‌ మంత్రి కీలక ప్రకటన

Free Cylinders: గుజరాత్‌ రాష్ట్రంలోని ప్రతి ఇంటికి ఏడాదికి 2 ఉచిత సిలిండర్లు ఇవ్వాలని ప్రభుత్వం తీసుకున్న నిర్ణయాన్ని ఆ రాష్ట్ర విద్యా శాఖ మంత్రి జితు వాఘాని సోమవారం ప్రకటించారు. ఈ నిర్ణయంతో పౌరులు, గృహిణులకు రూ.1,000 కోట్ల ఉపశమనం లభిస్తుందని వాఘాని ప్రకటించారు. ఏడాదిలో రెండు సిలిండర్లు ఉచితంగా ఇవ్వాలని రాష్ట్ర ప్రభుత్వం నిర్ణయం తీసుకుందని మంత్రి తెలిపారు. గుజరాత్‌లో 38 లక్షల మంది గృహిణులను దృష్టిలో ఉంచుకుని ఈ నిర్ణయం తీసుకున్నట్లు తెలిపారు. ఈ పథకం కోసం నిర్ణయించిన రూ.650 కోట్లతో గుజరాత్‌లోని ప్రతి ఇంటికి దాదాపు రూ.1,700 వరకు ఆదా అవుతుందని మంత్రి తెలిపారు.

Complaints in WhatsApp: పోలీసుల అరుదైన రికార్డు.. ఎఫ్‌ఐఆర్‌ లేకుండానే 3 వేల కేసులు ఛేదించారు..!

కంప్రెస్డ్ నేచురల్ గ్యాస్ (సీఎన్‌జీ), పైప్డ్ నేచురల్ గ్యాస్ (పీఎన్‌జీ)పై 10 శాతం విలువ ఆధారిత పన్ను (వ్యాట్) తగ్గింపును కూడా మంత్రి సోమవారం ప్రకటించారు. సీఎన్‌జీలో 10 శాతం తగ్గింపును పరిగణనలోకి తీసుకుంటే కిలోకు రూ.6-7 వరకు ప్రయోజనం ఉంటుందని చెప్పారు. అదేవిధంగా పీఎన్‌జీపై కిలోకు రూ.5-5.50 వరకు ప్రయోజనం ఉండబోతోందని మంత్రి తెలిపారు. రాష్ట్ర ప్రభుత్వం చేసిన ఈ ప్రకటన చాలా పెద్దదని, దీనిని రాష్ట్ర ప్రభుత్వం దీపావళి కానుకగా కూడా భావిస్తోందన్నారు. ఇది ప్రధాన మంత్రి ఉజ్వల యోజన లబ్ధిదారులకు ప్రయోజనం చేకూరుస్తుందని ఆయన అన్నారు. పూర్తి మొత్తాన్ని నేరుగా వారి ఖాతాల్లో జమ చేస్తామని తెలిపారు.