Miheeka Bajaj : పాత గొడవలు పక్కనపెట్టి.. ‘బాలీవుడ్ స్టార్’పై రానా భార్య మిహీకా ఎమోషనల్ పోస్ట్!
బాలీవుడ్ స్టార్ హీరోయిన్ సోనమ్ కపూర్, వ్యాపారవేత్త ఆనంద్ అహూజా దంపతులు త్వరలో రెండో బిడ్డకు జన్మనివ్వబోతున్నారు. ఈ సందర్భంగా ముంబైలో నిర్వహించిన సోనమ్ సీమంతం వేడుకకు కుటుంబ సభ్యులు, సన్నిహితులు హాజరయ్యారు. ఈ వేడుకలో దగ్గుబాటి రానా భార్య మిహీకా బజాజ్ ప్రత్యేక ఆకర్షణగా నిలిచారు. సోనమ్ కపూర్ కుటుంబంతో మిహీకాకు చిన్నప్పటి నుంచే విడదీయరాని అనుబంధం ఉంది.
Also Read : Neena Gupta : సెట్లో డైరెక్టర్ బూతులు తిట్టేవాడు..షూటింగ్ తర్వాత ఇంటికెళ్లి ఏడ్చేదాన్ని
ఈ సందర్భంగా సోనమ్తో కలిసి దిగిన ఫోటోలను మిహీకా తన ఇన్స్టాగ్రామ్లో పంచుకుంటూ ఎమోషనల్ నోట్ రాశారు.. ‘నేను ఎంతగానో ప్రేమించే కుటుంబంలోకి మరో చిన్న ప్రాణం రాబోతోంది. చిన్నప్పుడు నేను నీ వెంటే తిరిగేదాన్ని.. ఇప్పుడు నీ పిల్లలు కూడా నీ వెంటే తిరుగుతుంటే చూడాలని ఉంది. మీ జీవితంలో మొదలవుతున్న ఈ కొత్త అధ్యాయానికి నా తరఫున బోలెడంత ప్రేమ’ అంటూ మిహీకా మురిసిపోయారు.
అయితే గతంలో ‘కింగ్ ఆఫ్ కోత’ ప్రమోషన్ల సమయంలో రానా దగ్గుబాటి, దుల్కర్ సల్మాన్ షూటింగ్లో ఒక బాలీవుడ్ హీరోయిన్ ప్రవర్తనపై చేసిన వ్యాఖ్యలు పెద్ద దుమారం రేపిన సంగతి తెలిసిందే. అది సోనమ్ కపూర్ను ఉద్దేశించే అన్నారని వార్తలు రావడంతో రానా అప్పట్లోనే క్లారిటీ ఇచ్చి క్షమాపణలు కూడా చెప్పారు. తాజాగా మిహీకా ఈ వేడుకకు హాజరై, సోనమ్తో అంత క్లోజ్గా ఉండటాన్ని చూస్తుంటే, రెండు కుటుంబాల మధ్య ఉన్న విభేదాలు పూర్తిగా తొలగిపోయాయని స్పష్టమవుతోంది. ఈ వేడుకలో కపూర్ ఫ్యామిలీతో పాటు భూమి పెడ్నేకర్, మసాబా గుప్తా వంటి పలువురు బాలీవుడ్ ప్రముఖులు సందడి చేశారు. ప్రస్తుతం మిహీకా చేసిన పోస్ట్ సోషల్ మీడియాలో వైరల్ అవుతోంది.