మైక్రోసాఫ్ట్ సహ వ్యవస్థాపకుడు బిల్ గేట్స్ ప్రస్తుతం భారత్లో పర్యటిస్తున్నారు. సోమవారమే ఆంధ్రప్రదేశ్లో పర్యటించారు. ఇక దేశ రాజధాని ఢిల్లీలో ఏఐ ఇంపాక్ట్ సమ్మిట్ కూడా జరుగుతోంది. దిగ్గజ కంపెనీల సీఈవోలు, ఆయా దేశాధినేతలంతా హాజరవుతున్నారు. కానీ ఈ సమ్మిట్కు బిల్ గేట్స్ హాజరు కావడం లేదని వర్గాలు పేర్కొన్నాయి. దీనికి ఎప్స్టీన్ ఫైలే కారణంగా తెలుస్తోంది.
ఇది కూడా చదవండి: UP: ఏడు ప్రమాణాల తర్వాత షాకింగ్ ట్విస్ట్.. ఆగిపోయిన పెళ్లి
ఇటీవలే అమెరికా న్యాయ శాఖ ఎప్స్టీన్ ఫైల్ విడుదల చేసింది. ఇందులో బిల్ గేట్స్ రష్యన్ అమ్మాయిలతో సంబంధాలు కలిగి ఉన్నారని.. సుఖ వ్యాధులు కూడా ఉన్నట్లుగా వెల్లడైంది. దీంతో ఈ వ్యవహారం తీవ్ర చర్చనీయాంశం అయింది. ఈ వ్యవహారంపై మాజీ భార్య మిలిందా గేట్స్ కూడా స్పందిస్తూ.. ఆ కారణం చేతనే విడాకులు తీసుకున్నట్లు చెప్పారు.
ఇది కూడా చదవండి: Sergio Gor: ఆటోలో తిరుగుతూ ఇడ్లీ, మసాలా దోస ఆరగించిన అమెరికా రాయబారి.. వీడియో వైరల్
ఇక ప్రస్తుతం ఈ వ్యవహారం సోషల్ మీడియాలో తీవ్ర చర్చనీయాంశంగా మారింది. భారీగా ట్రోల్స్ నడుస్తున్నాయి. ఈ నేపథ్యంలో ఢిల్లీలో జరిగే సమ్మిట్కు వెళ్లకూడదని బిల్ గేట్స్ నిర్ణయం తీసుకున్నట్లు వర్గాలు చెబుతున్నాయి. ఇప్పటి వరకు ఆయన పర్యటన కూడా ఖరారు కాలేదు. దీంతో హాజరు కావడం లేదని వార్తలు వినిపిస్తున్నాయి.