MI vs DC: నేడు ముంబై ఇండియన్స్, ఢిల్లీ క్యాపిటల్స్ మధ్య మ్యాచ్ ముంబైలోని వాంఖడే స్టేడియంలో జరుగుతోంది. ఇక ఢిల్లీ క్యాపిటల్స్ టాస్ గెలిచి ముంబై ఇండియన్స్ ను మొదటగా బ్యాటింగ్ కి ఆహ్వానించింది. ఢిల్లీ క్యాపిటల్స్ రెగ్యులర్ కెప్టెన్ అక్షర్ పటేల్ అనారోగ్యం కారణంగా ఆడటం లేదు. అతని స్థానంలో ఫాఫ్ డు ప్లెసిస్ టాస్ కోసం వచ్చాడు. ఈ మ్యాచ్ ‘వర్చువల్ క్వార్టర్ ఫైనల్’ లాంటిది. ప్లేఆఫ్స్కు నాల్గవ స్థానం కోసం ఇరు జట్ల మధ్య గట్టి పోటీ జరుగుతోంది. నేడు హార్దిక్ పాండ్యా నేతృత్వంలోని ముంబై జట్టు గెలిస్తే వారు ప్లేఆఫ్లోకి ప్రవేశిస్తారు. ఐదుసార్లు ఛాంపియన్ అయిన ముంబై ప్రస్తుతం 12 మ్యాచ్ల్లో 14 పాయింట్లతో పాయింట్ల పట్టికలో నాలుగో స్థానంలో ఉంది. ఇక తన చివరి మ్యాచ్లో గుజరాత్ టైటాన్స్ చేతిలో ఓడిపోయింది.
Read Also: Barley Chia Water: చియా గింజలను నీటిలో నానబెట్టి తింటే ఎన్ని లాభాలో తెలుసా..?
మరోవైపు, అక్షర్ పటేల్ నాయకత్వంలోని ఢిల్లీ క్యాపిటల్స్ ప్లేఆఫ్స్కు చేరుకోవాలంటే వారి మిగిలిన రెండు మ్యాచ్లను గెలవాలి. ఢిల్లీ 12 మ్యాచ్ల్లో 13 పాయింట్లతో పాయింట్ల పట్టికలో ఐదో స్థానంలో ఉంది. ఢిల్లీ క్యాపిటల్స్ వారి చివరి నాలుగు మ్యాచ్ల్లో మూడింటిలో ఓడిపోగా, ఒక మ్యాచ్ వర్షం కారణంగా రద్దు అయ్యింది. అయితే, నేడు జరిగే మ్యాచ్ పై కూడా వర్షం ముప్పు పొంచి ఉంది. వాతావరణం విలన్గా మారితే, ముంబై అదృష్టంపై ఆధారపడి ఉండాలి. కానీ, ఢిల్లీకి మాత్రం టెన్షన్ పెరుగుతుంది. ఈ నేపథ్యంలో ఢిల్లీ వారి చివరి మ్యాచ్ గెలిచి, ముంబై ఓటమి కోసం ప్రార్థించవలసి ఉంటుంది. రెండు జట్లు తమ చివరి లీగ్ మ్యాచ్ను పంజాబ్ కింగ్స్తో ఆడాలి. పంజాబ్, గుజరాత్ టైటాన్స్, రాయల్ ఛాలెంజర్స్ బెంగళూరు జట్లు ఇప్పటికే ప్లేఆఫ్స్లో తమ స్థానాన్ని నిర్ధారించుకున్నాయి. ఇక నేటి మ్యాచ్ ప్లేయింగ్ XI ఆటగాళ్ల వివరాలు ఇలా ఉన్నాయి.
Read Also: Budget Smartphones: కేవలం 15 వేలకే 6000 mAh బ్యాటరీ, అద్భుత కెమెరా ఫీచర్లతో లభించే ఫోన్స్ ఇదిగో..!
ముంబై ఇండియన్స్ ప్లేయింగ్ XI: ర్యాన్ రికెల్టన్ (వికెట్ కీపర్), రోహిత్ శర్మ, విల్ జాక్, సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్), నమన్ ధీర్, మిచెల్ సాంట్నర్, దీపక్ చాహర్, ట్రెంట్ బౌల్ట్, జస్ప్రీత్ బుమ్రా
ఢిల్లీ క్యాపిటల్స్ ప్లేయింగ్ XI: ఫాఫ్ డు ప్లెసిస్ (కెప్టెన్), అభిషేక్ పోరెల్ (వికెట్ కీపర్), సమీర్ రిజ్వీ, అశుతోష్ శర్మ, ట్రిస్టన్ స్టబ్స్, దుష్మంత చమీరా, విప్రజ్ నిగమ్, మాధవ్ తివారీ, కుల్దీప్ యాదవ్, ముస్తాఫిజుర్ రెహమాన్, ముఖేష్ కుమార్.
