MG Cyberster EV: ఎంజీ సైబర్‌స్టర్ ఎలక్ట్రిక్ స్పోర్ట్స్ కారు విడుదల.. 580KM రేంజ్!.. ధర తెలిస్తే షాకే!

ఎంజి మోటార్ ఇండియా ఎంజి సైబర్‌స్టర్ ఎలక్ట్రిక్ స్పోర్ట్స్ కారును భారత మార్కెట్లో విడుదల చేసింది. కంపెనీ తన ప్రీమియం MG సెలెక్ట్ అవుట్‌లెట్‌ల ద్వారా దీనిని విక్రయిస్తుంది. దీనితో పాటు, MG M9 కూడా ఈ షోరూమ్ ద్వారా విక్రయింస్తోంది. సైబర్‌స్టర్ భారత్ లో ఒకే ఒక వేరియంట్‌లో ప్రవేశపెట్టారు. లాంచ్‌కు ముందు బుక్ చేసుకున్న వారికి కంపెనీ తక్కువ ధరకు దీనిని అందిస్తోంది. లాంచ్ తర్వాత బుక్ చేసుకునే వ్యక్తులు అధిక ధర చెల్లించాల్సి ఉంటుంది. సైబర్‌స్టర్ EV భారత్ లో రూ. 74.99 లక్షల ఎక్స్-షోరూమ్ ధరకు విడుదలైంది. అదే సమయంలో, లాంచ్‌కు ముందు బుక్ చేసుకున్న వారికి, దాని ఎక్స్-షోరూమ్ ధర రూ. 72.49 లక్షలుగా నిర్ణయించింది.

Also Read:KTR: సీఎంలో అపరిచితుడు ఉన్నాడు.. కేటీఆర్ ఘాటు విమర్శలు

ఇది ఒక ఎలక్ట్రిక్ స్పోర్ట్స్ కారు. మోడ్రన్, స్పోర్టీ, ఫ్యూచరిస్టిక్ డిజైన్‌ను కలిగి ఉంది. దీని ముందు భాగంలో రేకుల ఆకారంలో ఉన్న LED ప్రొజెక్టర్ హెడ్‌లైట్‌లతో పాటు LED DRLలు, క్రోమ్ MG లోగో ఉన్నాయి. బంపర్ బ్యాటరీ, ఇతర పరికరాలను కూల్ గా ఉంచడానికి ఎయిర్ వెంట్స్‌తో కూడిన నల్లటి దిగువ గ్రిల్‌ను కూడా కలిగి ఉంది. దీనిలో ఉన్న బెటర్ ఫీచర్ రెండు వైపులా సిజరింగ్ డోర్లు కలిగి ఉండడం. 20-అంగుళాల డ్యూయల్-టోన్ అల్లాయ్ వీల్స్ ఉన్నాయి. బయటి రియర్‌వ్యూ మిర్రర్లు బాడీ-కలర్‌గా ఉంటాయి. అంతర్నిర్మిత టర్న్ ఇండికేటర్‌లను కలిగి ఉంటాయి. సైబర్‌స్టర్ 4 కలర్ ఆప్షన్స్ లో లభ్యమవుతుంది. అవి బ్లాక్ రూఫ్‌తో ఫ్లేర్ రెడ్, బ్లాక్ రూఫ్‌తో న్యూక్లియర్ ఎల్లో, రెడ్ రూఫ్‌తో మోడరన్ బీజ్, రెడ్ రూఫ్‌తో ఆండీస్ గ్రే.

Also Read:Juice diet: ప్రాణాలు తీసిన ‘‘జ్యూస్-డైట్’’.. ఆరోగ్యం క్షీణించి బాలుడు మృతి..

దీనిలో ఇవ్వబడిన డాష్‌బోర్డ్ ఫైటర్ జెట్ కాక్‌పిట్ లాగా కనిపిస్తుంది. ఇది ట్రై-స్క్రీన్ సెటప్‌ను కలిగి ఉంది. దీనిలో డ్రైవర్ కోసం 7-అంగుళాల, 10.25-అంగుళాల డిస్ప్లే, అలాగే ఇన్ఫోటైన్‌మెంట్ సిస్టమ్ కోసం 7-అంగుళాల టచ్‌స్క్రీన్ ఉన్నాయి. ACని నియంత్రించడానికి సెంటర్ కన్సోల్‌లో ప్రత్యేక స్క్రీన్ కూడా అందించారు. ఫ్లాట్-బాటమ్ స్టీరింగ్ వీల్‌లో ఆడియో, డ్రైవర్ డిస్ప్లే కోసం బటన్లు ఇందులో ఉన్నాయి. లాంచ్ కంట్రోల్ కోసం రౌండ్ డయల్ కూడా ఇందులో ఉంది. బ్రేకింగ్ సిస్టమ్‌గా ప్యాడిల్ షిఫ్టర్‌లు ఇందులో ఉన్నాయి. క్యాబిన్‌లో రెండు స్పోర్ట్స్ సీట్లు ఉన్నాయి, ఇవి కారు స్పోర్టీ అనుభూతిని పెంచుతాయి.

Also Read:Juice diet: ప్రాణాలు తీసిన ‘‘జ్యూస్-డైట్’’.. ఆరోగ్యం క్షీణించి బాలుడు మృతి..

MG సైబర్‌స్టర్ EV ఫోల్డబుల్ రూఫ్, మెమరీ ఫంక్షన్‌తో 6-వే ఎలక్ట్రికల్లీ అడ్జస్టబుల్ హీటెడ్ సీట్లు, 8-స్పీకర్ బోస్ ఆడియో సిస్టమ్ వంటి లక్షణాలతో వస్తుంది. ప్రయాణీకుల భద్రత కోసం, ఇది 4 ఎయిర్‌బ్యాగ్‌లు, ఎలక్ట్రానిక్ స్టెబిలిటీ కంట్రోల్ (ESC), టైర్ ప్రెజర్ మానిటరింగ్ సిస్టమ్ (TPMS), అడాప్టివ్ క్రూయిజ్ కంట్రోల్, కొలిషన్ మిటిగేషన్ అసిస్ట్ వంటి లక్షణాలతో లెవెల్-2 ADASలను కూడా పొందుతుంది. MG సైబర్‌స్టర్ EV ఒకే బ్యాటరీ ప్యాక్ ఎంపికతో వస్తుంది. దీనికి రెండు యాక్సిల్స్ (AWD) లలో రెండు ఎలక్ట్రిక్ మోటార్లు ఉన్నాయి. ఇది కేవలం 3.2 సెకన్లలో 0 నుంచి 100 కి.మీ. వేగాన్ని అందుకోగలదు. దీని గరిష్ట వేగం గంటకు 200 కి.మీ.లు, సింగిల్ ఛార్జ్ తో 580 కి.మీల రేంజ్ ను ఇస్తుందని కంపెనీ తెలిపింది.