Nelson Dilipkumar: పూనకాలు తెప్పించే మెగా మల్టీస్టారర్.. 46 ఏళ్ల తర్వాత ఒకే ఫ్రేమ్‌లో రజనీ-కమల్!

Nelson Dilipkumar: తమిళ సినిమా చరిత్రలోనే అతిపెద్ద సంచలనంగా నిలిచే మెగా ప్రాజెక్ట్ రూపుదిద్దుకుంటుంది. సూపర్‌స్టార్ రజినీకాంత్.. ఉలగనాయగన్ కమల్ హాసన్ ఇద్దరూ 46 ఏళ్ల తర్వాత ఒకే స్క్రీన్‌పై కనిపించబోతున్నారు. ఈ హిస్టారిక్ కాంబినేషన్‌ను నెల్సన్ దిలీప్‌కుమార్ తెరకెక్కించడం దాదాపు ఖాయంగా కనిపిస్తుంది. ఇప్పటికే జైలర్, జైలర్ 2లతో రజినీతో జోడీ కట్టిన నెల్సన్.. ఇప్పుడు ఈ ఇద్దరు లెజెండ్స్‌ను ఒకేసారి హ్యాండిల్ చేయడానికి రెడీ అవుతున్నాడు. ఈ మల్టీస్టారర్ ప్రాజెక్ట్‌కు సంబంధించిన లేటెస్ట్ అప్‌డేట్ సోషల్ మీడియాను షేక్ చేస్తుంది.

READ ALSO: Suzuki Access: అప్‌డేటెడ్ ఫీచర్స్ తో సుజుకి యాక్సెస్ విడుదల.. ప్రయాణం మరింత సురక్షితం.. ధర ఎంతంటే?

ఈ సినిమాకు సంబంధించి ఫిబ్రవరి 8న చెన్నైలో స్పెషల్ ప్రోమో షూట్ జరగనుందట. ఈ ప్రోమో ద్వారా అధికారిక ప్రకటన రాబోతోందని సినీ సర్కిల్‌లో జోరుగా ప్రచారం జరుగుతుంది. డైరెక్టర్ నెల్సన్ మూవీ మేకింగ్ స్టైల్ ఏంటో అందరికీ తెలిసిందే. మరి ఆయన ఈ సినిమాలో ఆ ఇద్దరు లెజెండ్స్‌ను ఎలా బ్యాలెన్స్ చేస్తాడో చూడాలి. ఈ చిత్రంలో అగ్ర కథనాయకుల మధ్య ఎలాంటి కెమిస్ట్రీ కనిపిస్తుంది అనేది ఇప్పుడు ప్రేక్షకులలో హాట్ టాపిక్‌గా మారింది. ఈ చిత్రానికి అనిరుధ్ రవిచందర్ మ్యూజిక్ అందించబోతున్నాడని సమాచారం. గతంలో వచ్చిన రజినీ-నెల్సన్ కాంబోలో వచ్చిన జైలర్‌ సినిమాకు అనిరుధ్ అదిరిపోయే మ్యూజిక్‌ను అందించిన సంగతి తెలిసిందే. రజినీ- కమల్- నెల్సన్ కాంబోలో రాబోతున్న ఈ ప్రాజెక్ట్‌కు బ్యాక్‌గ్రౌండ్ స్కోర్, సాంగ్స్ ఎలా ఉంటాయో అని అగ్రకథానాయకుల అభిమానులు ఆసక్తిగా ఎదురు చూస్తున్నారు. ఈ చిత్రంపై ఇప్పటి వరకు ఎలాంటి అధికారిక ప్రకటన రాలేదు. అతి త్వరలో ఈ చిత్రానికి సంబంధించిన అధికారిక ప్రకటన రావచ్చని సమాచారం.

READ ALSO: Sunetra Pawar: పవార్ కుటుంబంలో ‘పవర్’ పాలిటిక్స్.. ఎన్సీపీ చీఫ్‌గా అజిత్ సతీమణి!