Anil Ravipudi : హీరోగా చేయమని చాలా మంది అన్నారు

టాలీవుడ్ సక్సెస్‌ఫుల్ డైరెక్టర్ అనిల్ రావిపూడి తన మార్క్ కామెడీ మరియు కమర్షియల్ ఎలిమెంట్స్‌తో ప్రేక్షకులతో విజిల్స్ కొట్టించడంలో సిద్ధహస్తుడు. తొలి సినిమా పటాస్ నుంచి మొన్న వచ్చిన మన శంకర వరప్రసాద్ గారు వరకు వరకు ఆయన ప్రతి సినిమాలో హీరోని ఒక పవర్‌ఫుల్ ఎనర్జీతో చూపిస్తారు. అయితే అనిల్ రావిపూడి కూడా త్వరలో హీరోగా మారబోతున్నాడు అనే టాక్ వినిపించింది.

Also Read : Fahadh Faasil : తెలుగులో బిజీ అవుతున్న ఫహాద్ ఫజిల్

తాజాగా నటుడు శివాజీ నటించిన ‘సాంప్రదాయినీ సుప్పిని సుద్దపూసని’ ట్రయిలర్ లంచ్ ఈవెంట్ లో అనిల్ రావిపూడి పాల్గొన్నారు. చాలా మంది దర్శకులు నటులుగా మారుతున్న ఈ తరుణంలో, అనిల్ రావిపూడికి కూడా అటువంటి ప్రశ్న ఎదురైంది. దానికి ఆయన స్పందిస్తూ.. “నాకు హీరో అవ్వాలనే ఆలోచన అస్సలు లేదు. కెమెరా వెనుక ఉండి కథను నడిపించడంలోనే నాకు అసలైన తృప్తి ఉంది. నా సినిమాలో హీరోలే నాకు డెమీగాడ్స్, వారిని స్క్రీన్ మీద చూసినప్పుడు అభిమానులకు ఒక పూనకం రావాలి. వాళ్ళను సూపర్‌స్టార్‌లుగా ఎలివేట్ చేయడమే నాకు ఇష్టం. ఆ మాస్ ఎలివేషన్స్ ఇచ్చే కిక్కే వేరు” అని వెల్లడించారు. అందుకే అనిల్ సినిమాల్లో హీరోలు ఎంత కామెడీ చేసినా, క్లైమాక్స్ లేదా యాక్షన్ సీన్స్‌లో వాళ్ళ హీరోయిజం పీక్ స్టేజ్‌లో ఉంటుంది. ప్రస్తుతం అనిల్ రావిపూడి, విక్టరీ వెంకటేష్‌తో కలిసి తన తదుపరి సినిమా చేయబోతున్నారు. మలయాళ నటుడు ఫహద్ ఫాసిల్ ఈ సినిమాలో కీలక పాత్ర పోస్తిస్తున్నాడు ఇందులో కూడా వెంకీని మునుపెన్నడూ లేని విధంగా ఒక కొత్త కోణంలో చూపించబోతున్నట్లు తెలుస్తోంది.