Arvind Kejriwal: ఢిల్లీ లిక్కర్ స్కామ్ మనీలాండరింగ్ కేసులో అరెస్టైన ముఖ్యమంత్రి అరవింద్ కేజ్రీవాల్ శుక్రవారం సాయంత్రం బెయిల్ పై జైలు నుంచి విడుదలయ్యారు. కాగా ఇవాళ (శనివారం) ఉదయం ఆమ్ ఆద్మీ పార్టీ ప్రధాన కార్యాలయంలో ఆయన మీడియా సమావేశం నిర్వహించారు. ఈ సందర్భంగా కేజ్రీవాల్ మాట్లాడుతూ.. నేను జైలు నుంచి నేరుగా మీ దగ్గరకు వస్తున్నాను.. 50 రోజుల తర్వాత మీతో ఉండటం చాలా ఆనందంగా అనిపిస్తుందన్నారు. అలాగే, దేశంలో బీజేపీ అరాచక పాలన కొనసాగిస్తుందనిన ఆయన మండిపడ్డారు.
Read Also: Amit Shah: రేవంత్ రెడ్డి నా వీడియో మార్ఫింగ్ చేసి తప్పు చేశావ్.. అమిత్ షా హాట్ కామెంట్
ఇక, ప్రతిపక్ష నేతలను జైలుకు పంపి బీజేపీ నేతల రాజకీయాలను పూర్తిగా నాశనం చేయాలని కేజ్రీవాల్ పిలుపునిచ్చారు. దీంతో పాటు మన ముఖ్యమంత్రులు హేమంత్ సోరెన్, మమతా బెనర్జీ పార్టీలకు చెందిన మంత్రులు జైల్లో ఉన్నారని చెప్పుకొచ్చారు. దేశంలో మరోసారి గానీ, బీజేపీ గెలిస్తే.. ఈసారి పశ్చిమ బెంగాల్ సీఎం మమతా బెనర్జీ, తమిళనాడు ముఖ్యమంత్రి ఎంకే స్టాలిన్, బీహార్ మాజీ ఉప ముఖ్యమంత్రి తేజస్వీ యాదవ్, కేరళ సీఎం పినరయి విజయన్, మహారాష్ట్ర మాజీ సీఎం ఉద్ధవ్ ఠాక్రేతో పాటు ఇతర ప్రతిపక్ష నేతలంతా జైల్లో ఉంటారని పేర్కొన్నారు. కానీ, బీజేపీ నేతలు ఎల్కే అద్వానీ, మురళీ మనోహర్ జోషి, శివరాజ్ సింగ్ చౌహాన్, వసుంధర రాజే, మనోహర్ లాల్ ఖట్టర్, రమణ్ సింగ్లు మాత్రం తమ రాజకీయాలకు ఎలాంటి ఆటంకం లేకుండా ముందుకు కొనసాగుతారని ఢిల్లీ ముఖ్యమంత్రి అరవింద్ కేజ్రీవాల్ ఆరోపించారు.
