Mahesh Babu: మిస్ యూ నాన్న.. మహేశ్బాబు ఎమోషనల్ పోస్ట్!
Mahesh Babu remembers Krishna on his birthday: నేడు తెలుగు చిత్ర పరిశ్రమలో తన పేరును సువర్ణాక్షరాలతో లిఖించుకున్న ‘సూపర్ స్టార్’ కృష్ణ 81వ జయంతి. ఈ సందర్భంగా తన తండ్రిని గుర్తు చేసుకుని స్టార్ హీరో మహేశ్ బాబు భావోద్వేగానికి గురయ్యారు. హ్యపీ బర్త్డే నాన్నా, నిన్ను ఎంతగానో మిస్ అవుతున్నా అని ఇన్స్టాగ్రామ్లో పోస్ట్ చేశారు. ‘పుట్టినరోజు శుభాకాంక్షలు నాన్న. మిమ్మల్ని ఎంతగానో మిస్ అవుతున్నా. నా ప్రతి జ్ఞాపకంలో ఎప్పటికీ ఉంటావు’ అని మహేష్ పేర్కొన్నారు.
సూపర్ స్టార్ కృష్ణ 2022 నవంబర్ 15న మరణించారు. 79 ఏళ్ల వయసులో ఆయనకు గుండెపోటు వచ్చింది. ఘట్టమనేని రాఘవయ్య చౌదరి, నాగరత్నమ్మ దంపతులకు 1943 మే 31న కృష్ణ జన్మించారు. కృష్ణ అసలు పేరు ఘట్టమనేని శివ రామ కృష్ణ మూర్తి. ఐదు దశాబ్దాల కెరీర్లో 350కి పైగా చిత్రాల్లో ఆయన నటించారు. అభిమానుల మనసుల్లో ‘సూపర్ స్టార్’గా చెరగని ముద్ర వేశారు. కృష్ణ రాజకీయాల్లోకి కూడా ఎంట్రీ ఇచ్చారు.
Also Read: Splendor Plus xtec 2.0 Price: ‘స్ల్పెండర్’ కొత్త వెర్షన్ విడుదల.. ధర, మైలేజ్ ఎంతంటే?
ఈ సంక్రాంతికి మహేష్ బాబు ‘గుంటూరు కారం’తో ప్రేక్షకుల ముందుకు వచ్చారు. త్రివిక్రమ్ దర్శకత్వంలో తెరకెక్కిన ఈ సినిమాలో శ్రీలీల కథానాయికగా నటించారు. సూపర్ హిట్ కొట్టిన ఈ యాక్షన్ మూవీ.. నెట్ఫ్లిక్స్లో స్ట్రీమింగ్ అవుతోంది. ప్రస్తుతం మహేష్ బాబు దర్శకధీరుడు ఎస్ఎస్ రాజమౌళి దర్శకత్వంలో నటించడానికి సిద్ధమయ్యారు. SSMB 29గా ఇది ప్రచారంలో ఉంది. ప్రస్తుతం ప్రీ ప్రొడక్షన్ పనులు జరుగుతున్నాయి. అమెజాన్ అడవుల నేపథ్యంలో ఈ కథ సాగనుంది.
View this post on Instagram