Lionel Messi: మైదానంలోనే బోరున విలపించిన మెస్సీ..!

Lionel Messi: ఫిఫా వరల్డ్ కప్ 2026 ఫైనల్‌లో అర్జెంటీనా ఆశలు నెరవేరలేదు. స్పెయిన్ చేతిలో 1-0 తేడాతో ఓటమిపాలైన తర్వాత ఫుట్‌బాల్ దిగ్గజం లియోనెల్ మెస్సీ మైదానంలోనే భావోద్వేగానికి లోనయ్యారు. మ్యాచ్ ముగిసిన వెంటనే ఆయన నేలపై కూర్చొని కన్నీళ్లు పెట్టుకున్నాడు. ఇందుకు సంబంధించిన వీడియో ఇప్పుడు నెట్టింట వైరల్ గా మారింది.

మ్యాచ్ అనంతరం జరిగిన అవార్డు ప్రదానోత్సవంలో ముందుగా అర్జెంటీనా ఆటగాళ్లను వేదికపైకి ఆహ్వానించారు. అమెరికా అధ్యక్షుడు డొనాల్డ్ ట్రంప్ రన్నరప్ జట్టుకు పతకాలు అందజేశారు. మెస్సీ ట్రంప్‌తో కరచాలనం చేసి ముందుకు వెళ్లబోతుండగా.. ఆయనను ఆపి రన్నరప్ మెడల్‌ను మెడలో వేశారు. ఆ క్షణంలో మెస్సీ తీవ్ర భావోద్వేగానికి గురై కన్నీళ్లు ఆపుకోలేకపోయాడు.

İspanya Milli Takımı, Lionel Messi ve Arjantin Milli Takımı'nı alkışlarla onurlandırdı. pic.twitter.com/c73Dr8w6lT

— Messi Anıları (@messianilari) July 19, 2026

39 ఏళ్ల మెస్సీకి ఈ ఓటమి కేవలం ఫైనల్ పరాజయం మాత్రమే కాదు.. అంతర్జాతీయ కెరీర్ ముగింపు దశలో ఎదురైన అత్యంత బాధాకరమైన క్షణంగా అభిమానులు భావిస్తున్నారు. ఎన్నో విజయాలు అందుకున్నా, చివరి వరల్డ్ కప్‌ను ట్రోఫీతో ముగించాలన్న ఆయన కల నెరవేరలేదు. అయితే మెస్సీ కన్నీళ్లు చూసిన స్పెయిన్ సంచలనం ‘లామిన్ యమాల్’ ఆయన వద్దకు వెళ్లి ఆలింగనం చేసుకుని ఓదార్చాడు. చిన్నతనంలో మెస్సీ ఒడిలో ఆడిన యమాల్, ఇప్పుడు తన ఆదర్శ ఆటగాడికి ఓదార్చిన దృశ్యాలు అభిమానులను భావోద్వేగానికి గురి చేశాయి.

Arjantinli taraftarlar, Lionel Messi'ye sevgi gösterisinde bulunuyor. 🥹 pic.twitter.com/T4UbTgj3oT

— Messi Anıları (@messianilari) July 19, 2026

మరోవైపు ఫైనల్‌లో అర్జెంటీనా ఓడిపోయినప్పటికీ.. టోర్నమెంట్ మొత్తం మెస్సీ అద్భుత ప్రదర్శన కనబరిచారు. మొత్తం 8 మ్యాచ్‌ల్లో 8 గోల్స్ చేయడంతో పాటు 4 అసిస్టులు అందించి జట్టు 12 గోల్స్‌లో కీలక పాత్ర పోషించారు. గ్రూప్ దశ నుంచి నాకౌట్ మ్యాచ్‌ల వరకు అర్జెంటీనాను ముందుండి నడిపించిన మెస్సీ, అల్జీరియాపై హ్యాట్రిక్‌తో పాటు కీలక మ్యాచ్‌ల్లో గోల్స్, అసిస్టులతో తన సత్తాను మరోసారి నిరూపించారు. అంతేకాదు, ఫిఫా వరల్డ్ కప్ చరిత్రలో మెస్సీ తన మొత్తం గోల్స్ సంఖ్యను 21కు చేర్చి మరో అరుదైన ప్రపంచ రికార్డును కూడా తన పేరిట నమోదు చేసుకున్నారు. ట్రోఫీ దక్కకపోయినా.. మెస్సి ప్రదర్శన మాత్రం మెప్పించింది.

Lamine Yamal comforting Lionel Messi after the final is easily the most wholesome moment you’ll see today. 🥹❤️ pic.twitter.com/efGNbaWc4A

— MC (@CrewsMat10) July 19, 2026