LIC MCap : ప్రభుత్వ బీమా కంపెనీ ఎల్ఐసీ షేర్లలో గత కొన్ని రోజులుగా అద్భుతమైన ర్యాలీ కనిపిస్తోంది. నేడు, మార్కెట్లో ఆల్ రౌండ్ విక్రయాలు కనిపిస్తున్నప్పటికీ.. ఎల్ఐసి వాటా మాత్రం గ్రీన్ జోన్ లోనే కొనసాగుతోంది. ఈ వృద్ధి ఆధారంగా చూస్తే ఎల్ఐసీ ఇప్పుడు స్టాక్ మార్కెట్లో జాబితా చేయబడిన అతిపెద్ద ప్రభుత్వ కంపెనీగా అవతరించింది. అతిపెద్ద ప్రభుత్వ బ్యాంకు ఎస్బీఐని వెనక్కి నెట్టి లైఫ్ ఇన్సూరెన్స్ కార్పొరేషన్ ఆఫ్ ఇండియా నంబర్-1 స్థానాన్ని కైవసం చేసుకుంది.
కొత్త 52 వారాల గరిష్టానికి షేర్లు
బుధవారం నాటి ట్రేడింగ్లో ప్రధాన సూచీలు బీఎస్ఈ సెన్సెక్స్, ఎన్ఎస్ఈ నిఫ్టీలు ఒక శాతం క్షీణించాయి. అదే సమయంలో, LIC షేర్లు సుమారు 1.25 శాతం పెరుగుదలతో రూ. 903 పైన ట్రేడవుతున్నాయి. దాదాపు రెండేళ్ల క్రితం ఐపీవో తర్వాత తొలిసారిగా ఎల్ఐసీ షేర్లు రూ.900 దాటాయి. ఈరోజు ట్రేడింగ్ ప్రారంభంలో ఈ షేరు కొత్త గరిష్ట స్థాయి రూ.918.45 వద్ద ప్రారంభమైంది. ఎల్ఐసీ షేర్లలో 52 వారాల కొత్త గరిష్ట స్థాయి కూడా ఇదే.
Read Also:SpiceJet Flight: విమాన టాయిలెట్లో ఇరుక్కుపోయిన యువకుడు
7.5శాతం పెరిగి షేర్ ధర
లైఫ్ ఇన్సూరెన్స్ కార్పొరేషన్ ఆఫ్ ఇండియా షేర్లు గత ఐదు రోజుల్లో ఏడున్నర శాతానికి పైగా పెరిగాయి. ఈ ప్రభుత్వ వాటా ఒక నెలలో దాదాపు 13 శాతం పెరిగింది. గత ఆరు నెలల్లో ఈ షేరు 45 శాతానికి పైగా లాభపడింది. షేర్లలో ఇటీవలి అద్భుతమైన ర్యాలీ ఆధారంగా.. LIC మార్కెట్ క్యాప్ కూడా భారీగా పెరిగింది. ప్రస్తుతం ఎల్ఐసీ మార్కెట్ క్యాప్ రూ.5.70 లక్షల కోట్లు దాటింది.
ఈ స్థాయిలో SBI..MCAP
మరోవైపు, అతిపెద్ద ప్రభుత్వ బ్యాంకు ఎస్బీఐ షేర్లలో నేడు క్షీణత కనిపిస్తోంది. స్టేట్ బ్యాంక్ ఆఫ్ ఇండియా షేర్లు మధ్యాహ్నం దాదాపు 2 శాతం క్షీణతతో రూ.625 వద్ద ట్రేడవుతున్నాయి. ఇది SBI 52 వారాల గరిష్ఠ స్థాయి రూ.660.40 కంటే చాలా తక్కువ. దీంతో ఎస్బీఐ ఎమ్కాప్ రూ.5.58 లక్షల కోట్లకు పడిపోయింది. ఈ విధంగా LIC ఇప్పుడు అత్యంత విలువైన ప్రభుత్వ సంస్థగా మారింది. SBI ను వెనుకకు నెట్టివేసింది.
Read Also:Hanu Man: హనుమాన్ స్పెషల్ స్క్రీనింగ్కు బాలకృష్ణ.. ప్రశాంత్ వర్మపై ప్రశంసలు!
