Leo Movie: ‘లియో’మూవీలో విలన్ గా చేసిన నటుడు ఎవరో తెలుసా?

తమిళ్ స్టార్ హీరో విజయ్ దళపతి నటించిన లేటెస్ట్ మూవీ లియో.. దసరా కానుకగా 19 న ప్రేక్షకుల ముందుకు వచ్చింది.. ఆ సినిమా మిక్స్డ్ టాక్ ను అందుకుంది.. కానీ కలెక్షన్స్ మాత్రం అస్సలు తగ్గలేదు.. బాక్సాఫీస్ వద్ద కలెక్షన్స్ వర్షం కురుస్తుంది.. సినిమా భారీ యాక్షన్ సన్నీవేశాల తో తెరకేక్కింది.. మాస్ ఆడియన్స్ ను బాగా ఆకట్టుకుంది.. ఈ సినిమాలో విలన్ గా సైకో కిల్లర్ గా ఓ కుర్రాడు నటించాడు. అతడి నటనకు జనాలు ఫిదా అవుతున్నారు.. తన యాక్టింగ్‌తో భయపెట్టేశాడు. చెప్పాలంటే వణికించేశాడు. ఇంతకీ అతడెవరు? ముందు ఏ సినిమాలో నటించాడు అనే వార్తలు కూడా వినిపిస్తున్నాయి..

ఈ సినిమాలో యాక్షన్, బ్యాక్ గ్రౌండ్ మ్యూజిక్ తోపు ఉన్నాయి. మిగతా విషయాల్లో మాత్రం ప్రేక్షకుల్ని అంచనాల్ని అందుకోవడంలో డైరెక్టర్ లోకేశ్ కనగరాజ్ ఫెయిలయ్యాడని చెప్పొచ్చు. అయితే సినిమా ఫస్టాప్ ఓ రేంజులో ఉంటుంది. యాక్టర్స్ ఫెర్ఫార్మెన్స్, యాక్షన్ సీన్స్ ఓ రేంజులో వర్కౌట్ అయ్యాయి. ఇక మూవీ మొదట్లో కనిపించేది కాసేపే అయినా సైకో కిల్లర్ పాత్ర చాలామందికి గుర్తుండిపోతుంది.. అంతగా ఆ పాత్ర గూస్ బంప్స్ తెప్పిస్తుంది.. ఇకపోతే ఈ సినిమాలో విలన్ గా చేసింది ఎవరో కాదు కొరియోగ్రాఫర్ శాండి మాస్టర్..

తమిళంలో కొరియోగ్రాఫర్‌గా చాలా గుర్తింపు తెచ్చుకున్న శాండీ మాస్టర్.. కొన్ని సినిమాల్లో కామెడీ తరహా రోల్స్ చేశాడు. కానీ ‘లియో’లో మాత్రం సైకో కిల్లర్ పాత్రలో వణికించేశాడు. హీరోతో తలపడే సీన్‌లో ‘చాక్లెట్ కాఫీ’ అని రచ్చ లేపాడు.. మొదట 2005 లో డ్యాన్స్ షో ద్వారా వెలుగులోకి వచ్చాడు.. ఇకపోతే 2014లో ‘ఆహ్’ సినిమాతో కొరియోగ్రాఫర్‌గా ఇండస్ట్రీలోకి ఎంట్రీ ఇచ్చాడు. ఆ తర్వాత ఏడాదే ‘ఇవనుక్కు తన్నిళ్ల గండం’ అనే మూవీతో నటుడు కూడా అయిపోయాడు. అప్పటినుంచి ఇప్పటివరకు ఓ 20కి పైగా చిత్రాలకు కొరియోగ్రఫీ చేశాడు. రజనీకాంత్, విశాల్ తదితర సినిమాలకు పనిచేశాడు. ఇక ‘ఆర్ఆర్ఆర్’ ప్రమోషన్స్ లో భాగంగా శాండీ మాస్టర్ చేసిన స్టేజీ ఫెర్ఫార్మెన్స్ ఇంకా కళ్ల ముందు కనిపిస్తుంది.. అలాంటి మాస్టర్ ఇలా భయంకరంగా కనిపించడం పై జనాలు, ముఖ్యంగా విజయ్ ఫ్యాన్స్ షాక్ అవుతున్నారు..