Laptop Prices: ఇప్పుడు కొనకపోతే నష్టం! 35% పెరగనున్న ల్యాప్‌టాప్‌ ధరలు.. కారణాలు ఇవే

కొత్త ల్యాప్ టాప్ తీసుకోవాలని భావిస్తున్నారా? అయితే వెంటనే ఓ నిర్ణయం తీసుకోండి. ల్యాప్‌టాప్ ధరలు 30-35% (కొన్ని రిపోర్టుల్లో 40% వరకు) పెరిగే అవకాశం ఉందని ఇటీవేల రిపోర్టులు (ముఖ్యంగా Moneycontrol, TrendForce వంటివి) చెబుతున్నాయి. ఇది 2026లో భారతదేశంతో సహా ప్రపంచవ్యాప్తంగా చోటుచేసుకోనున్న సమస్య. మెమరీ, గ్రాఫిక్స్ ప్రాసెసింగ్ యూనిట్లు (GPUలు) వంటి దాని కీలక భాగాల ధరల పెరుగుదల కారణంగా ధరలు పెరగనున్నట్లు నిపుణులు చెబుతున్నారు.

Also Read:Iran: యుద్ధం ముగింపునకు ఇరాన్ 3 షరతులు.. రెస్పాన్స్ ఎలా ఉంటుందో..!?

మార్చి 2026 నాటికి ల్యాప్‌టాప్, డెస్క్‌టాప్ ధరలు 35% వరకు పెరిగుతాయని అంచనా వేస్తున్నారు. ప్రధాన కారణం AI రంగంలో విపరీతమైన మెమరీ (RAM), SSD, GPU డిమాండ్. దీని వల్ల సాధారణ కన్స్యూమర్లకు ల్యాప్‌టాప్‌లు భారీగా ఖరీదు కానున్నాయి. గేమింగ్ ల్యాప్‌టాప్‌లు, అధిక-పనితీరు గల యంత్రాలు ఈ ధరల పెరుగుదల వల్ల ఎక్కువగా ప్రభావితమవుతాయి. ఇంకా, భవిష్యత్తులో హై-స్పీడ్ మెమరీ మాడ్యూల్స్, GPUల కొరత ఉండవచ్చు, ఇది వాటి ధరల పెరుగుదలకు దారితీసే అవకాశం ఉంది.

ధరల పెరుగుదలకు ప్రధాన కారణాలు

DDR RAM (మెమరీ) ధరలు భారీగా పెరగడం RAM ధరలు 2.5 నుంచి 3 రెట్లు పెరిగాయి.
AI డేటా సెంటర్లు, క్లౌడ్ సర్వర్లకు భారీ డిమాండ్ వల్ల మెమరీ చిప్స్ (RAM & SSD) లభ్యత తగ్గింది.
AI కంపెనీలు (హైపర్‌స్కేలర్లు) ఎక్కువ ధర ఇవ్వడంతో కన్స్యూమర్ PCలకు ప్రాధాన్యత తగ్గింది.
→ ఇప్పటికే ల్యాప్‌టాప్ ధరలు 10-12% పెరిగాయి, మరో 8-10% పెరిగే అవకాశం ఉంది.

ఎంట్రీ-లెవల్ ప్రాసెసర్లు (ముఖ్యంగా Intel) కొరత Intel ఎంట్రీ-లెవల్ CPUలు అందుబాటులో లేకపోవడం.
AI వర్క్‌లోడ్స్ కోసం హై-పెర్ఫార్మెన్స్ చిప్స్ డిమాండ్ పెరగడంతో సాధారణ ల్యాప్‌టాప్ CPUల ధరలు, లభ్యత ప్రభావితమవుతున్నాయి.

GPU, SSD, ఇతర కాంపోనెంట్ల ధరలు పెరగడం AI ఇన్‌ఫ్రాస్ట్రక్చర్ కోసం GPUలు, హై-స్పీడ్ స్టోరేజ్ డిమాండ్ ఎక్కువ.
గ్లోబల్ చిప్ షార్టేజ్, సప్లై చైన్ సమస్యలు కూడా ఉన్నాయి.

Also Read:Off The Record: వాసుపల్లి వ్యవహారం వైసీపీ నాయకత్వానికి తలపోటైందా?

మార్కెట్ ప్రభావం

భారతదేశంలో PC షిప్‌మెంట్లు రికార్డ్ స్థాయికి చేరాయి కానీ, ధరల పెరుగుదల వల్ల 2026లో 7-8% మార్కెట్ తగ్గే అవకాశం ఉంది. ఇప్పటికే HP, Dell, Asus వంటి కంపెనీలు ధరలు పెంచుతున్నాయి.