Fauji : రెబల్ స్టార్ ప్రభాస్ హీరోగా హ‌ను రాఘవపూడి దర్శకత్వంలో ల‌వ్ అండ్ వార్ బ్యాక్ డ్రాప్ లో ‘పౌజీ’ చిత్రం తెరకెక్కుతున్న సంగతి తెలిసిందే. పాన్ ఇండియా లెవల్లో ఈ సినిమాపై భారీ అంచనాలే ఉన్నాయి. సీతారామం వంటి బ్లాక్ బస్టర్ హిట్ త‌ర్వాత హ‌ను రాఘవపూడి టేక‌ప్ చేస్తున్న ప్రతిష్టాత్మక ప్రాజెక్ట్ ఇది. అత‌డి మార్క్ ల‌వ్ స్టోరీని హైలైట్ చేస్తూనే భారీ వార్ ఎపిక్ ని త‌న‌దైన శైలిలో తీర్చిదిద్దుతున్నట్లు సమాచారం. తాజాగా ఈ సినిమా గురించి ర‌చ‌యిత కృష్ణ‌కాంత్ కొన్ని ఇంట్రెస్టింగ్ విషయాలను పంచుకున్నారు. ప్రభాస్-హ‌ను సినిమా ఎలా ఉండ‌బోతుంది? అనే ప్రశ్నకు ఆయన స్పందించారు. కథ, క‌థ‌నాల ప‌రంగా ఈ సినిమా హాలీవుడ్ రేంజ్ చిత్రం అన్నారు. అందులో ఎలాంటి సందేహం అవసరం లేదన్నారు. ఊహించని విధంగా సినిమా ఉంటుందని తెలిపారు. ఈ కథ పూర్తిగా 1940 బ్యాక్ డ్రాప్ లో కొనసాగుతుంది. హ‌ను మార్క్ ల‌వ్ స్టోరీతో పాటు, డ్రామా, భారీ యాక్ష‌న్ స‌న్నివేశాలూ ఉంటాయి. ఇదంతా దేశ భ‌క్తి అంశాల‌తో మిళిత‌మై ఉంటుందన్నారు. అంటే ఈ కథ స్వాతంత్య్రానికి పూర్వం జ‌రిగే కథ అని తేలిపోయింది. కొన్ని వాస్తవ సంఘ‌ట‌న‌లు ఆధారంగానూ ఈ సినిమా తీస్తున్నట్లు తొలుత ప్రచారం జరిగింది.
Read Also:Annamalai: హిందీ భాషపై అశ్విన్ చేసిన వ్యాఖ్యలపై అన్నామలై ఏమన్నారంటే..!
తాజాగా రైట‌ర్ క్లారిటీతో క‌న్ఫాం అయింది. హ‌ను రాఘవపూడి గ‌త సినిమా ‘సీతారామం’ ఓ వాస్తవ సంఘటనల స్పూర్తితోనే తెర‌కెక్కింది. హైద‌రాబాద్ కోఠిలో దొరికే సెకెండ్ హ్యాండ్ పుస్తకాలను కొనుగోలు చేసే అల‌వాటు ఉన్న హ‌ను ఓ రోజు ఓ పుస్తకాన్ని కొనుగోలు చేశాడు. ఆ పుస్తకం చ‌దువుతోన్న స‌మ‌యంలో క్రమంలో పేజీల మ‌ధ్యలో హ‌నుకి ఓ లేఖ క‌నిపించింది. ఆ లేఖ అప్పటికీ ఓపెన్ చేసి లేదు. హైద‌రాబాద్ లో చ‌దువుకుంటోన్న ఓ విద్యార్థికి ఊర్లో ఉన్న తన త‌ల్లి పంపించిన లేఖ అది. ఆ లేఖ స్పూర్తితో సీతారామం కథ రాసుకున్నాడు. పౌజీ కథ వెనుక ఇలాంటి చ‌రిత్ర ఏదైనా ఉందా? అన్నది తేలాలి. ఫౌజీని హాలీవుడ్ రేంజ్ లో తీస్తున్నాడంటే? ఇది భారీ స్పాన్ ఉన్న సినిమా అని తెలుస్తోంది. హీరోయిన్ గా ఇమాన్వి ఇస్మాయిల్ అనే ఓ కొత్త భామ‌ను తీసుకోవ‌డం వెనుక ఆసక్తికర విషయం ఉండే ఉంటుందని నెటిజన్లు కామెంట్ చేస్తున్నారు.
Read Also:SS Thaman: స్పీకర్లు కాలిపోతే కాలిపోనివ్వండి నాకు సంబంధం లేదు