Konda Sangeetha Reddy: భారీ మెజార్టీతో కె.వి.ఆర్ గెలుపు ఖాయం..

మే 13న జరగనున్న సార్వత్రిక ఎన్నికల్లో చేవెళ్ల బీజేపీ అభ్యర్థి కొండా విశ్వేశ్వర్ రెడ్డి భారీ మెజార్టీతో విజయం సాధించబోతున్నారని ఆయన సతీమణి కొండా సంగీతా రెడ్డి ధీమా వ్యక్తం చేశారు. బుధవారం ఆమె మహేశ్వరం నియోజకవర్గంలోని ఆర్కే పురం, టెలిఫోన్ కాలనీలో ఎన్నికల ప్రచారం నిర్వహించారు. ఈ సందర్భంగా ఆమె మాట్లాడుతూ నరేంద్ర మోడీని, కొండా విశ్వేశ్వర్ రెడ్డిని గెలిపించుకోవాలని ప్రజలు నిర్ణయించుకున్నారని ఆమె చెప్పారు.

Read Also: GT vs DC: గుజరాత్ ముందు భారీ స్కోరు.. చెలరేగిన రిషబ్

కొండా విశ్వేశ్వర్ రెడ్డి తన వ్యాపారాలన్నీ వదిలి పెట్టుకొని.. ప్రజాసేవ కోసం ముందుకు వచ్చిన మంచి మనిషి అని.. ప్రజలను కీర్తించడం తనకు ఎంతో సంతోషాన్ని ఇస్తుందని ఆమె చెప్పారు. గత పదేళ్లుగా ఆయన చేసిన సేవలను గురించి ప్రజలు తనకు చెబుతున్నారని కొండా సంగీతా రెడ్డి తెలిపారు. ప్రజలు తమ పిల్లల ఉజ్వలమైన భవిష్యత్తు కోసం మోడీకి ఓటు వేయాలని ఆమె పిలుపునిచ్చారు.

Read Also: congress: మూడు స్థానాలకు అభ్యర్థులను ప్రకటించిన కాంగ్రెస్.. వారెవరంటే?

నరేంద్ర మోడీ విశ్వ గురువుగా ప్రపంచ శాంతికి కృషి చేస్తున్నారని అన్నారు. ఉన్నతమైన ఆర్థిక విధానాలతో దేశాన్ని అభివృద్ధి పథంలో నడిపిస్తున్నారని కొండా సంగీతా రెడ్డి చెప్పారు. ఈ ఎన్నికల ప్రచారంలో మహేశ్వరం కంటెస్టెడ్ ఎమ్మెల్యే అందేల శ్రీరాములు, రాజా ధీరజ్ రెడ్డి, పలువురు బీజేపీ నాయకులు, కార్యకర్తలు, కొండా విశ్వేశ్వర్ రెడ్డి అభిమానులు పాల్గొన్నారు.