Pushpa 2 : ప్రస్తుతం ఇండియా వ్యాప్తంగా ఉన్నటువంటి సినీ ప్రేమికుల దృష్టి పుష్ప 2 సినిమా మీదే ఉంది. ఈ సినిమాకి సంబంధించిన ట్రైలర్ లాంచ్ ఈవెంట్ ఎవరు ఊహించని విధంగా బీహార్ రాజధాని పాట్నాల్లో నిర్వహించిన సినిమా యూనిట్ ఇప్పుడు ప్రీ రిలీజ్ ఈవెంట్ విషయంలో కూడా ఒక సంచలన నిర్ణయం తీసుకున్నట్టు తెలుస్తోంది. నిజానికి ప్రీ రిలీజ్ ఈవెంట్ సంగతి పక్కన పెడితే అన్ని పెద్ద సిటీలలో ఒక్కొక్క పెద్ద ఈవెంట్ నిర్వహించడానికి ప్లాన్ చేస్తున్నారు. ఇక హైదరాబాదులోనే ప్రీ రిలీజ్ ఈవెంట్ నిర్వహించేందుకు సిద్ధం చేస్తున్నట్లు తెలుస్తోంది.
Read Also:Gautam Adani: బిలియన్ డాలర్ల లంచం ఇచ్చాడని అమెరికాలో అదానీపై కేసు
రామోజీ ఫిలిం సిటీ లేదా ఎల్బీ స్టేడియంలో ఈ ప్రీ రిలీజ్ ఈవెంట్ ని అత్యంత ప్రతిష్టాత్మకంగా చేసేందుకు ప్లాన్ చేస్తున్నారు. ఆ రెండు చోట్ల ఎక్కడ చేస్తే బెటర్ అనే విషయం మీద ఫైనల్ చర్చలు జరుగుతున్నాయి. అల్లు అర్జున్ హీరోగా నటిస్తున్న ఈ సినిమాకి సుకుమార్ డైరెక్షన్ చేస్తున్నాడు. రష్మిక మందన్న హీరోయిన్ గా నటిస్తున్న ఈ సినిమాని మైత్రి మూవీ మేకర్స్ సంస్థ అత్యంత ప్రతిష్టాత్మకంగా భారీ బడ్జెట్ తో నిర్మించింది. ఇక ఈ సినిమాని ఎప్పుడో రిలీజ్ చేయాల్సి ఉంది. పలు కారణాలతో వాయిదా పడుతూ వస్తున్న ఈ చిత్రం ఎట్టకేలకు డిసెంబర్ 5వ తేదీన ప్రేక్షకుల ముందుకు వచ్చేందుకు రంగం సిద్ధమైంది.
Read Also:IPL 2025 Auction: అతడికి ఆల్టైమ్ రికార్డు ధర పక్కా.. సురేష్ రైనా జోస్యం!
ఈ సినిమాను దర్శకుడు సుకుమార్ తనదైన మార్క్ మాస్ యాక్షన్ ఎంటర్టైనర్గా రూపొందించారు. ఇక రీసెంట్గా రిలీజ్ అయిన ఈ మూవీ టీజర్ ప్రేక్షకుల్లో సినిమాపై అంచనాలను మరింతగా పెంచేసింది. అయితే.. ఈ సినిమాలోని స్పెషల్ సాంగ్ ‘కిసిక్’పై భారీ అంచనాలు క్రియేట్ అయ్యాయి. ఈ సాంగ్లో యంగ్ సెన్సేషన్ శ్రీలీల డ్యాన్స్ చేస్తుండడంతో ఈ పాట ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా చూస్తున్నారు. అయితే, ఈ స్పెషల్ సాంగ్కి సంబంధించిన లిరికల్ సాంగ్ని నవంబర్ 23న రిలీజ్ చేసేందుకు మేకర్స్ ప్లాన్ చేస్తున్నట్లు తెలుస్తోంది. ఈ పాటలో బన్నీ, శ్రీలీల చేసే డ్యాన్స్ ప్రేక్షకులను ఆకట్టుకోవడం ఖాయమని మేకర్స్ ధీమా వ్యక్తం చేస్తున్నారు.
