Allu Arjun vs Keerthy Suresh: ‘నేను శైలజ’తో తెలుగు ఇండ‌స్ట్రీలోకి ఎంట్రీ ఇచ్చిన కీర్తి సురేష్.. అనతికాలంలోనే స్టార్ హీరోయిన్‌గా ఎదిగారు. ‘మహనటి’ సినిమాతో కీర్తి క్రేజ్ అమాంతం పెరిగిపోయింది. ఈ సినిమాలో ఆమె నటనకు అందరూ ఫిదా అయ్యారు. గ‌త ఏడాది ‘దసరా’తో సూపర్ హిట్ ఖాతాలో వేసుకున్న కీర్తి.. తెలుగు సినిమాలకు కాస్త బ్రేక్‌ ఇచ్చి తమిళ్, బాలీవుడ్ సినిమాలు చేస్తున్నారు. తమిళంలో సైరన్ సినిమాతో హిట్ అందుకున్న మహనటి.. హిందీలో వ‌రుణ్ ధావ‌న్‌తో బేబీ జాన్ సినిమా చేశారు.
ప్రస్తుతం కీర్తి సురేష్ వరుస ప్రాజెక్ట్స్‌తో చాలా బిజీగా ఉన్నారు. అందులో ‘రఘు తాతా’ ఒకటి. సుమన్‌ కుమార్‌ దర్శకత్వంలో తెరకెక్కుతున్న ఈ చిత్రంలో కీర్తి కీలక పాత్ర చేస్తున్నారు. రఘు తాతా నుంచి ఇటీవల టీజర్ విడుదల కాగా.. నేడు రిలీజ్ డేట్‌ను మేక‌ర్స్ అనౌన్స్ చేశారు. ఈ సినిమాను స్వాతంత్ర్య దినోత్సవం సందర్భంగా ఆగష్టు 15న విడుదల చేయ‌నున్న‌ట్లు మేక‌ర్స్ ప్రకటించారు. హృదయాన్ని కదిలించే రఘు తాతా చిత్రం 15 ఆగష్టు 2024న విడుదల అవుతోంది అని కీర్తి ఎక్స్‌లో పేర్కొన్నారు.
Also Read: Mahesh Babu: మిస్‌ యూ నాన్న.. మహేశ్‌బాబు ఎమోషనల్ పోస్ట్!
ఆగష్టు 15న ఐకాన్ స్టార్ అల్లు అర్జున్ నటిస్తున్న పుష్ప-2 రిలీజ్ అవుతోంది. సుకుమార్‌ దర్శకత్వంలో తెరకెక్కుతోన్న పుష్ప 2 ప్రపంచవ్యాప్తంగా విడుదల కానుంది. ఈ సినిమాపై భారీ అంచనాలు ఉన్నాయి. ఈ చిత్రం నుంచి ఇప్పటికే రిలీజ్ అయిన పోస్టర్స్, టీజర్, పాటలు రికార్డులు సృష్టిస్తున్నాయి. ఈ నేపథ్యంలో పుష్ప-2 ముందు రఘు తాతా నిలుస్తుందో చూడాలి.
