Kannappa Teaser: కన్నప్ప టీజర్ వచ్చేసిందోచ్.. మరి ఎలా ఉందంటే!

Kannappa Teaser: టాలీవుడ్‌లో భారీ అంచనాల మధ్య రూపొందుతున్న చిత్రం ‘కన్నప్ప’. భక్త కన్నప్ప జీవిత చరిత్ర ఆధారంగా ఈ సినిమా తెరకెక్కుతోంది. ప్రముఖ నటుడు మంచు విష్ణు ప్రధాన పాత్రలో నటిస్తుండగా.. ముకేశ్ కుమార్ సింగ్ దర్శకత్వం వహిస్తున్నారు. తాజాగా ఈ సినిమా టీజర్ విడుదలైంది. టీజర్‌లో విష్ణు పవర్‌ఫుల్ పెర్ఫార్మెన్స్, సంగీతం, విజువల్స్ అన్నీ ప్రేక్షకులను ఆకట్టుకునేలా ఉన్నాయి. ముఖ్యంగా, టీజర్‌లోని యాక్షన్ సీక్వెన్స్‌లు, గ్రాండియర్ విజువల్స్ సినిమాపై అంచనాలను పెంచేశాయి. ఇదిలా ఉంటే, ఈ చిత్రానికి సంబంధించిన తొలి పాట ‘శివ శివ శంకరా’ ఇప్పటికే విడుదలై ప్రేక్షకుల హృదయాలను కట్టిపడేసింది.

Read Also: Heroine Rambha: వెండితెరకి గ్రాండ్ రీ-ఎంట్రీకి సిద్ధమైన స్టార్ హీరోయిన్

ఈ చిత్రంలో మంచు మోహన్ బాబు, ప్రభాస్, అక్షయ్ కుమార్ కీలక పాత్రల్లో నటించనుండటం విశేషం. భారీ బడ్జెట్‌తో తెరకెక్కిస్తున్న ఈ సినిమా భారతీయ సినీ పరిశ్రమలో ఓ గొప్ప భక్తిరస చిత్రంగా నిలవబోతుందనే అభిప్రాయాలు వ్యక్తమవుతున్నాయి. ప్రేక్షకులు ఎంతో ఆసక్తిగా ఎదురుచూస్తున్న ‘కన్నప్ప’ సినిమా ఏప్రిల్ 25న థియేటర్లలో విడుదల కానుంది. ఇంకెందుకు ఆలస్యం కన్నప్ప టీజర్ చూసి మీకేమనిపించిందో ఓ కామెంట్ చేయండి.