Jana Nayakudu Trailer: ‘ముట్టుకోకు ముక్కలు చేస్తాడు’.. ‘జన నాయకుడు’ ట్రైలర్‌ వచ్చేసింది!

Jana Nayakudu Trailer: దళపతి విజయ్ అభిమానుల ఎదురు చూపులకు తెరదించితూ ఈ రోజు తమిళ యాక్షన్‌ థ్రిల్లర్‌ ‘జన నాయగన్‌’ ట్రైలర్‌ విడుదలైంది. ఈ సినిమా తెలుగులో ‘జన నాయకుడు’ పేరుతో విడుదల కానుంది. విజయ్ కెరీర్‌లో అత్యంత కీలకమైనదిగా, ఆయన చివరి చిత్రంగా భావిస్తున్న ‘జన నాయకుడు’ చిత్ర అధికారిక ట్రైలర్ విడుదలై సోషల్ మీడియాను షేక్ చేస్తోంది.

READ ALSO: Motorola Edge 60 Pro: మోటరోలా ఎడ్జ్ 60 ప్రో పై రూ.9 వేల డిస్కౌంట్.. ప్రీమియం ఫీచర్స్

ఈ ట్రైలర్ ఆద్యంతం పవర్ ఫుల్ డైలాగులు, అదిరిపోయే యాక్షన్ సన్నివేశాలతో ప్యాక్ అయ్యి ఉంది. ఈ ట్రైలర్‌లో విజయ్ స్టైలిష్ ఎంట్రీ, తనదైన మార్క్ యాక్షన్, స్వాగ్‌తో కనిపించారు. ఆయన పలికిన డైలాగ్స్ అభిమానులను విశేషంగా అలరిస్తాయనడంలో ఎలాంటి సందేహం లేదు. ఈ సినిమా పేరుకు తగ్గట్టుగానే, ఇందులో బలమైన రాజకీయ సందేశం ఉన్నట్లు కనిపిస్తోంది. ఈ చిత్రాన్ని దర్శకుడు హెచ్.వినోత్ తెరకెక్కిస్తున్నాడు. అనిరుధ్ రవిచందర్ సంగీతం అందిస్తున్నాడు. పూజా హెగ్డే కథానాయికగా నటిస్తుండగా, మమితబైజు, బాబీ దేఓల్‌ కీలక పాత్ర పోషిస్తున్నారు. కేవీఎన్‌ ప్రొడక్షన్స్‌ పతాకంపై వెంకట్‌ కె.నారాయణ ఈ చిత్రాన్ని భారీ స్థాయిలో అత్యంత ప్రతిష్టాత్మకంగా నిర్మిస్తున్నారు. విజయ్ పొలిటికల్ ఎంట్రీ ఇస్తున్న చేస్తున్న తరుణంలో విడుదలవుతున్న ఈ చిత్రంపై భారీ అంచనాలు నెలకొన్నాయి. ఈ చిత్ర ట్రైలర్ చూస్తుంటే, ఇది కేవలం సినిమా మాత్రమే కాదని, ఒక బలమైన సామాజిక సందేశం ఉన్న కథ అని స్పష్టమవుతోంది.

READ ALSO: Jetly Movie Glimpses: ‘నువ్వు హీరోవా’.. సత్య ‘జెట్లీ’ గింప్స్ చూశారా!