Jacqueline Fernandez: జాక్వెలిన్ ఫెర్నాండేజ్‌తో ‘పేపర్ బాయ్’ డైరెక్టర్!

Jacqueline Fernandez To Act in Jaya Shankarr’s Movie: ‘పేపర్ బాయ్’ సినిమాతో జయ శంకర్ దర్శకుడిగా పరిచయం అయ్యాడు. సున్నితమైన ఎమోషన్స్‌ను ఎంతో అద్భుతంగా ఈ సినిమాలో చూపించి మెప్పించాడు. రెండో ప్రయత్నంగా ‘అరి’ అంటూ అరిషడ్వర్గాల మీద సినిమా తీశాడు. సాయికుమార్‌, అనసూయ భరద్వాజ్‌, శుభలేఖ సుధాకర్‌, ఆమని, వైవా హర్ష తదితరులు ప్రధాన పాత్ర పోషించారు. ఇప్పటికే ఈ సినిమా అందరిలోనూ ఆసక్తిని క్రియేట్ చేసింది. పలువురు సెలెబ్రిటీలు అరిని చూసి మెచ్చుకున్నారు. త్వరలోనే ఈ సినిమా థియేటర్లలో విడుదల కానుంది.

అరి రిలీజ్ కాకముందే జయ శంకర్ కొత్త సినిమా మీద రూమర్లు వస్తున్నాయి. ఇప్పటికే ఆయన ఓ లేడీ ఓరియెంటెడ్ సబ్జెక్ట్ మీద ఫోకస్ పెట్టినట్టుగా, ఆ కథకు లేడీ సూపర్ స్టార్ నయనతార ఓకే చెప్పినట్టుగా ఆ మధ్య సోషల్ మీడియాలో రూమర్లు వచ్చాయి. అయితే ఈ ప్రాజెక్ట్ మీద తాజాగా మరో రూమర్ చక్కర్లు కొడుతోంది. ఈ లేడీ ఓరియెంటెడ్ సబ్జెక్ట్‌కు సౌత్, నార్త్‌లో మంచి క్రేజ్ ఉన్న నటిని జయ శంకర్ తీసుకున్నారని సమాచారం. ఆమె మరెవరో కాదు శ్రీలంక భామ జాక్వెలిన్ ఫెర్నాండేజ్‌ అట.

Also Read: Venkatesh Daggubati: మొన్న కాంగ్రెస్‌కు.. నేడు ఎన్డీయే కూటమికి వెంకీ మామ ఎన్నికల ప్రచారం!

జాక్వెలిన్ ఫెర్నాండేజ్‌తో జయ శంకర్ తన లేడీ ఓరియెంటెడ్ సబ్జెక్ట్‌ను చేస్తున్నాడని సమాచారం. పాన్ ఇండియాగా ఈ ప్రాజెక్ట్ ఉంటుందని తెలుస్తోంది. మరి ఈ ప్రాజెక్ట్ మీద అధికారిక ప్రకటన ఎప్పుడు వస్తుందో చూడాలి. ఇక జయశంకర్ తీసిన ‘అరి’ సినిమా ఎన్నికల హడావిడి అనంతరం రిలీజ్ కానుంది. జూన్‌లో ఈ సినిమాను విడుదల చేసేందుకు దర్శక నిర్మాతలు సన్నాహాలు చేస్తున్నారట. వాస్తవానికి ఈ సినిమా ఏప్రిల్‌లో ప్రేక్షకుల ముందుకు రావాల్సి ఉండగా.. పలు కారణాల వలన వాయిదా పడుతూ వస్తోంది.