ఇండియన్ ప్రీమియర్ లీగ్ (IPL) 2026లో భాగంగా హైదరాబాద్లోని రాజీవ్ గాంధీ అంతర్జాతీయ స్టేడియంలో సన్రైజర్స్ హైదరాబాద్ (SRH).. లక్నో సూపర్ జెయింట్స్ (LSG) తో తలపడుతోంది. లక్నో కెప్టెన్ రిషబ్ పంత్ టాస్ గెలిచి ముందుగా బౌలింగ్ ఎంచుకున్నాడు. హైదరాబాద్ బ్యాటింగ్ బలాన్ని దృష్టిలో ఉంచుకుని, వారిని తక్కువ పరుగులకే కట్టడి చేసి, తర్వాత లక్ష్యాన్ని ఛేదించాలని పంత్ భావిస్తున్నాడు. పిచ్ బాగున్నప్పటికీ, ఆట సాగుతున్న కొద్దీ బంతి పాతబడటం వల్ల పరుగులు తీయడం కష్టమవుతుందని ఆయన అంచనా వేశాడు. లక్నో జట్టులో అన్రిచ్ నోర్జే స్థానంలో మణిమారన్ సిద్ధార్థ్ వచ్చాడు.
సన్రైజర్స్ కెప్టెన్ ఇషాన్ కిషన్ తన సొంత గడ్డపై ఆడుతుండటం పట్ల సంతోషం వ్యక్తం చేశాడు. హైదరాబాద్ జట్టులో రెండు మార్పులు జరిగాయి. లియామ్ లివింగ్స్టోన్ , హర్షల్ పటేల్ జట్టులోకి వచ్చారు. లెఫ్ట్ హ్యాండ్ బ్యాటర్లకు వ్యతిరేకంగా లివింగ్స్టోన్ ఆఫ్-స్పిన్ ఉపయోగపడుతుందని, అలాగే హర్షల్ పటేల్ ఈ పిచ్పై గతంలో మంచి ప్రదర్శన ఇచ్చాడని ఇషాన్ పేర్కొన్నాడు. ఒత్తిడికి లోనవ్వకుండా ప్రశాంతంగా ఆడి రెండు పాయింట్లు సాధించడమే లక్ష్యమని ఆయన చెప్పాడు.
తుది జట్లు..
సన్రైజర్స్ హైదరాబాద్: ట్రావిస్ హెడ్, అభిషేక్ శర్మ, ఇషాన్ కిషన్ (కెప్టెన్/కీపర్), హెన్రిచ్ క్లాసెన్, లియామ్ లివింగ్స్టోన్, అనికేత్ వర్మ, నితీష్ కుమార్ రెడ్డి, హర్ష్ దూబే, శివాంగ్ కుమార్, హర్షల్ పటేల్, జయదేవ్ ఉనద్కత్.
లక్నో సూపర్ జెయింట్స్: మిచెల్ మార్ష్, రిషబ్ పంత్ (కెప్టెన్/కీపర్), ఐడెన్ మార్క్రామ్, నికోలస్ పూరన్, అబ్దుల్ సమద్, ముకుల్ చౌదరి, మణిమారన్ సిద్ధార్థ్, ఆవేష్ ఖాన్, మహ్మద్ షమీ, దిగ్వేష్ సింగ్ రాఠీ, ప్రిన్స్ యాదవ్.
ఇంపాక్ట్ ప్లేయర్లు:
హైదరాబాద్ తరపున ఈషన్ మలింగ, సలీల్ అరోరా వంటి వారు సిద్ధంగా ఉండగా, లక్నో తరపున ఆయుష్ బదోని, షాబాజ్ అహ్మద్ వంటి ఆటగాళ్లు ఇంపాక్ట్ సబ్లుగా అందుబాటులో ఉన్నారు.