iPhone 14 Price Drop: ‘మాన్‌సూన్ ఫెస్ట్ సేల్’.. రూ.38 వేలకే యాపిల్ ఐఫోన్ 14!

iPhone 14 Price Cut in Imagine: అమెరికాకు చెందిన ‘యాపిల్’ ఐఫోన్‌లకు ప్రపంచవ్యాప్తంగా ఎంత క్రేజ్ ఉందో ప్రత్యేకంగా చెప్పాల్సిన అవసరం లేదు. ప్రతి ఒక్కరు ఐఫోన్‌ తమ జేబులో ఉండాలని కోరుకుంటారు. కానీ భారీ ధర కారణంగా చాలా మంది ఐఫోన్‌లను కొనేందుకు వెనకడుగు వేస్తుంటారు. కొంతమంది యాపిల్ లవర్స్ మాత్రం ఆఫర్స్ కోసం చూస్తుంటారు. అలాంటి వారికి ఇదే మంచి అవకాశం. యాపిల్ రీసెల్లర్ ‘ఇమాజిన్’.. ‘మాన్‌సూన్ ఫెస్ట్ సేల్’ 2024ను ఆరంభించింది. ఈ సేల్‌లో ఐఫోన్ 14ని చాలా తక్కువ ధరకు కొనుగోలు చేయవచ్చు. ఆ వివరాలు ఇప్పుడు చూద్దాం.

యాపిల్ ఐఫోన్ 14 సెప్టెంబర్ 2022లో భారతదేశంలో రిలీజ్ అయింది. అప్పుడు 128జీబీ వేరియెంట్ భారతదేశంలో రూ.79,900గా ఉంది. ఇప్పుడు యాపిల్ అధికారిక వెబ్‌సైట్‌లో రూ.69,900కి అందుబాటులో ఉంది. ఇమాజిన్ మాన్‌సూన్ ఫెస్ట్ సేల్‌లో ఐఫోన్ 14 రూ. 37,900 ధరకు కొనుగోలు చేయవచ్చని పేర్కొంది. అయితే ఇది ఫ్లాట్ డిస్కౌంట్ కాదు. షరతులతో కూడిన కొన్ని ఆఫర్లు ఉన్నాయి. దాంతో ఐఫోన్ 14 ధర భారీగా తగ్గనుంది.

Also Read: Rahul Dravid Bharat Ratna: ఎన్నో అద్భుతాలు సృష్టించాడు.. ద్రవిడ్‌కు ‘భారతరత్న’ ఇవ్వాలి: సన్నీ

ప్రస్తుతం ఇమాజిన్ ఇన్‌స్టంట్ డిస్కౌంట్ రూ. 6వేలు ఇస్తోంది. ఇక మీ పాత స్మార్ట్‌ఫోన్‌పై రూ.20వేల వరకు ఎక్స్‌ఛేంజ్‌ ఆఫర్ ఉంది. మీ పాత ఫోన్‌ కండిషన్ బాగుండి, ఎలాంటి డామేజ్ లేకుంటేనే.. ఎక్స్‌ఛేంజ్‌ ఆఫర్ వర్తిస్తుంది. అదనంగా రూ. 6వేల ఎక్స్‌ఛేంజ్‌ బోనస్ ఆఫర్ పొందవచ్చు. దాంతో ఐఫోన్ 14ను రూ. 37,900కు పొందవచ్చు. ట్రేడ్-ఇన్ లేకుండా రూ. 9,000 తగ్గింపు పొందవచ్చు. అప్పుడు ఫోన్ 14 ధర రూ. 60,900గా ఉంటుంది. ఇది అధికారిక యాపిల్ ఆన్‌లైన్ స్టోర్‌లోని ధర కంటే తక్కువ. ఇన్‌స్టంట్, ఎక్స్‌ఛేంజ్‌ ఆఫర్ లేకున్నా మీరు రూ.60,900కి ఐఫోన్ 14 సొంతం చేసుకోవచ్చు.