Budget 2024 : బ‌డ్జెట్‌కి సంబంధించి వివిధ రకాల వార్తలు తెరపైకి వస్తున్నాయి. ఈ క్రమంలోనే బడ్జెట్ 2024 తేదీ పై క్లారిటీ ఇచ్చారు. ఈసారి పార్లమెంట్ బడ్జెట్ సమావేశాలు జనవరి 31 నుంచి ప్రారంభమై ఫిబ్రవరి 9 వరకు కొనసాగనున్నాయి. అదే సమయంలో ఫిబ్రవరి 1న మధ్యంతర బడ్జెట్‌ను కూడా ప్రవేశపెట్టనున్నారు. మోడీ ప్రభుత్వ హయాంలో ఇదే చివరి బడ్జెట్. రాష్ట్రపతి ద్రౌపది ముర్ము జనవరి 31న పార్లమెంటు ఉభయ సభలను ఉద్దేశించి ప్రసంగిస్తారు. సార్వత్రిక ఎన్నికలకు ముందు ఈసారి బడ్జెట్‌ను ప్రవేశపెట్టనున్నారు. మూలాల ప్రకారం.. ఈసారి కేంద్ర ప్రభుత్వం అనేక పెద్ద ప్రకటనలు చేయవచ్చు.
Read Also:Weather Forecast: వచ్చే వారం నుంచి.. పంచాయతీ స్థాయిలో వాతావరణ సమాచారం: ఐఎండీ
ఆర్థిక సర్వే ఎప్పుడు వస్తుంది?
బడ్జెట్ సమర్పణకు ఒకరోజు ముందు అంటే జనవరి 31న దేశ ఆర్థిక సర్వేను సమర్పించనున్నారు. ఆర్థిక మంత్రిత్వ శాఖకు అనుబంధంగా ఉన్న ముఖ్య ఆర్థిక సలహాదారు.. అతని బృందం రూపొందించిన ఆర్థిక సర్వే జనవరి 31న సమర్పించబడుతుంది. ఇది పార్లమెంటు బడ్జెట్ సమావేశాల సందర్భంగా జనవరి చివరి తేదీన పార్లమెంటు ముందు ఉంచబడుతుంది.
Read Also:Hrithik Roshan: రిప్లై లేట్ అయ్యింది కానీ అదిరిపోయింది…
ఇది మధ్యంతర బడ్జెట్‌నా లేక ఓట్ ఆన్ అకౌంట్‌నా?
మధ్యంతర బడ్జెట్‌లో ఎన్నికల సంవత్సరంలో దేశ ఖర్చులకు ప్రభుత్వం ఎంత మొత్తంలో నిధులు వెచ్చిస్తుందో, దానిని ఎలా వినియోగించాలో చర్చ జరుగుతుండగా దీన్ని ఓట్ ఆన్ అకౌంట్ అంటారు. మోడీ ప్రభుత్వం రెండో దఫా పాలన ముగియడానికి కొద్ది నెలల ముందు ఈ బడ్జెట్ చాలా కీలకంగా మారింది. ఈ ఏడాది లోక్‌సభ ఎన్నికలు జరగనుండగా, అంతకంటే ముందు దేశ ఆర్థిక పరిస్థితిని చెప్పేందుకు ఇదొక కీలక పత్రం. ఎన్నికల సంవత్సరంలో దేశంలో రెండు బడ్జెట్‌లు ప్రవేశపెడతారు. అందులో మొదటి బడ్జెట్‌ను ప్రస్తుత ప్రభుత్వం, రెండో బడ్జెట్‌ను కొత్త ప్రభుత్వం ఏర్పడిన తర్వాత సమర్పిస్తారు.