Suryakumar Yadav: మ్యాచ్ గెలిచినా కెప్టెన్‌ సూర్య అసంతృప్తి.. అక్కడే తేడా కొట్టిందని వారిపై సీరియస్!

Suryakumar Yadav: జింబాబ్వేపై భారత్ ఘన విజయం సాధించింది. 72 పరుగుల తేడాతో విజయ ఢంకా మోగించింది. దీంతో సెమీస్‌పై ఆశలు చిగురించాయి. చెన్నై వేదికగా జింబాబ్వేపై భారత్ సాధించిన 72 పరుగుల ఘన విజయం టీ20 వరల్డ్‌కప్ సూపర్ ఎయిట్స్‌లో జట్టుకు ఊపిరి పోసింది. దక్షిణాఫ్రికా చేతిలో ఎదురైన పరాజయం తర్వాత ఈ గెలుపు రెండు పాయింట్లతో పాటు, ఆత్మవిశ్వాసాన్ని సైతం తిరిగి తీసుకొచ్చింది. బ్యాటింగ్ విభాగం ఈ మ్యాచ్‌లో అసలైన రూపం చూపించింది. తొలి ఓవర్ నుంచే దూకుడు మొదలై, ఇన్నింగ్స్ అంతా కొనసాగింది. మొత్తం 17 సిక్సర్లు బాదుతూ టాప్ ఆరు బ్యాటర్లు తమ పాత్రను సమర్థంగా నిర్వర్తించారు. ఫలితంగా భారత్ 256/4 అనే భారీ స్కోరు నమోదు చేసింది. జింబాబ్వే రెండో ఇన్నింగ్స్‌లో బ్రియాన్ బెన్నెట్ అజేయంగా 97 పరుగులు చేసి ఆకట్టుకున్నప్పటికీ, ఆ ఇన్నింగ్స్ మ్యాచ్ ఫలితాన్ని మార్చలేకపోయింది.

READ MORE: Pakistan: పాకిస్థాన్ సంచలన నిర్ణయం.. ఆఫ్ఘనిస్థాన్‌తో ‘ఓపెన్ వార్’ ప్రకటన.. సరిహద్దుల్లో ఉద్రిక్తతలు!

అయితే మ్యాచ్ తర్వాత కెప్టెన్ సూర్యకుమార్ యాదవ్ ఆసక్తికర వ్యాఖ్యలు చేశాడు. మీడియాతో మాట్లాడుతూ.. లీగ్ దశలో ఏం జరిగిందో, అహ్మదాబాద్‌లో చివరి మ్యాచ్‌లో ఏం జరిగిందో మేము ఎక్కువగా ఆలోచించలేదు. గతాన్ని పూర్తిగా పక్కన పెట్టామన్నాడు. జట్టు వీడియో అనలిస్ట్ తయారు చేసిన స్లైడ్ ప్రజెంటేషన్‌ను బ్యాటర్లు, బౌలర్లు కలిసి చూసినట్లు వెల్లడించాడు. ఏడాది పొడవునా చేసిన మంచి ప్రదర్శనల్ని గుర్తుచేసుకుని, అక్కడి నుంచి పాజిటివిటీ తీసుకున్నామని వివరించాడు. టాప్ ఆర్డర్ నుంచి నంబర్ సెవెన్ వరకూ అందరూ సహకరించడం హృదయానికి ఆనందం ఇచ్చిందని సంతోషం వ్యక్తం చేశాడు. అయితే విజయం సాధించినప్పటికీ కెప్టెన్ ముఖంలో పూర్తిస్థాయి సంతృప్తి కనిపించలేదు. ప్రసారకర్త పొమ్మీ మ్బాంగ్వా ఈ అంశంపై ప్రశ్నించారు. సూర్యకుమార్ సమాధానం మరింత ఆసక్తికరంగా మారింది. “నిజం చెప్పాలంటే బౌలింగ్‌లో కొంచెం క్లినికల్‌గా ఉండాల్సింది. అయినా సరే, గెలుపు గెలుపే. ఇక ముందుకు సాగుతాం.. వెస్టిండీస్‌ మ్యాచ్‌లో ఇంక కొంచెం బెటర్‌గా ట్రై చేస్తాం.” అని మొదట చెప్పాడు. మ్బాంగ్వా మళ్లీ ప్రశ్నిస్తూ, “మీ నవ్వులో అసంతృప్తి కనిపిస్తోంది, మరింత వివరంగా చెప్పండి,” అని అడిగాడు. దానికి సూర్యకుమార్.. “జింబాబ్వే బ్యాటర్లకు క్రెడిట్ ఇవ్వాలి. వారు చాలా బాగా ఆడారు. పవర్‌ప్లేలో సమయం తీసుకుని, తర్వాత తెలివిగా ఇన్నింగ్స్ చే జిక్కించుకోవాలని ప్రయత్నించారు. కానీ బౌలింగ్ దృష్ట్యా కొన్ని సందర్భాల్లో మరింత తెలివిగా ఆప్షన్లు ఎంచుకోవాల్సింది,” అని స్పష్టం చేశాడు. ఈ వ్యాఖ్యలతో సూర్యకుమార్ బౌలింగ్‌పై నిరాశ వ్యక్తం చేసినట్లు తెలుస్తోంది!

READ MORE: Virosh wedding : ఎట్టకేలకు ఒక్కటైన ‘విరోష్’.. నా భర్త విజయ్ దేవరకొండ అంటూ రష్మిక ఎమోషనల్ పోస్ట్!