జింబాబ్వేతో జరుగుతున్న తొలి టీ20 మ్యాచ్ లో భారత్ తక్కువ స్కోరుకే కట్టడి చేసింది. టీమిండియా బౌలర్లు అద్భుతంగా బౌలింగ్ చేయడంతో జింబాబ్వే 115 పరుగులు మాత్రమే చేసింది. నిర్ణీత 20 ఓవర్లలో 9 వికెట్లు కోల్పోయి ఈ పరుగులు సాధించింది. జింబాబ్వే బ్యాటర్లలో క్లైవ్ మదాండే (29*) అత్యధిక పరుగులు చేశాడు. ఆ తర్వాత.. వెస్లీ మాధేవేరే (21), బ్రియాన్ బెన్నెట్ (22), డియోన్ మైయర్స్ (23), సికిందర్ రజా (17) పరుగులు చేశారు. జింబాబ్వే బ్యాటర్లలో ముగ్గురు డకౌట్లు అయ్యారు. కాగా.. టీమిండియా బౌలర్లు అద్భుతంగా బౌలింగ్ చేయడంతో తక్కువ పరుగులకు కట్టడి చేసింది.
Alcohol: ఆల్కహాల్, ఎనర్జీ డ్రింక్ కలిపి తాగితే అంతే సంగతి.. అధ్యయనంలో కీలక విషయాలు..
భారత్ బౌలర్లలో అత్యధికంగా స్పిన్నర్ రవి బిష్ణోయ్ 4 వికెట్లు పడగొట్టాడు. ఆ తర్వాత.. వాషిగ్టంన్ సుందర్ 2 వికెట్లు తీశాడు. అవేశ్ ఖాన్, ముఖేష్ కుమార్ కు తలో వికెట్ దక్కింది. టీమిండియా టార్గెట్ 116 పరుగులు చేయాల్సి ఉంది. ఓపెనర్ గా అభిషేక్ శర్మ, శుభ్మాన్ గిల్ బరిలోకి దిగనున్నారు.