PM Modi: భారత్ ఆర్థిక దూకుడు.. తొలి త్రైమాసికంలో జీడీపీ 7.8%పెరుగుదల.. హర్షించిన ప్రధాని.!
- 2026-27 ఆర్థిక సంవత్సరం తొలి త్రైమాసికం..
- భారత్ వాస్తవ జీడీపీ 7.8% వృద్ధి నమోదు..
- ప్రధాని నరేంద్ర మోదీ హర్షం వ్యక్తం..
- Follow Us :
-
-
Add as a preferred
source on google
PM Modi: భారత ఆర్థిక వ్యవస్థ మరోసారి బలమైన వృద్ధిని నమోదు చేసింది. 2026-27 ఆర్థిక సంవత్సరం తొలి త్రైమాసికంలో (ఏప్రిల్-జూన్) దేశ వాస్తవ జీడీపీ 7.8% వృద్ధి చెందింది. ఈ వృద్ధిపై ప్రధాని నరేంద్ర మోదీ హర్షం వ్యక్తం చేశారు. ఇది భారత ప్రజల సమష్టి శక్తికి, కష్టపడి పనిచేసే తత్వానికి ప్రతిబింబమని ఆయన పేర్కొన్నారు.
పీఎం మోదీ తాజాగా సోషల్ మీడియాలో పోస్ట్ చేసిన వీడియో సందేశంలో దేశ ప్రజలకు అభినందనలు తెలిపారు. ప్రపంచవ్యాప్తంగా యుద్ధాలు, సంక్షోభాలు, సరఫరా వ్యవస్థల్లో అంతరాయాలు వంటి సవాళ్లు ఉన్నప్పటికీ భారత్ వేగంగా ముందుకు సాగుతోందని అన్నారు. కొవిడ్ తర్వాత ప్రపంచవ్యాప్తంగా ఆర్థిక స్థిరత్వం దెబ్బతిన్నప్పటికీ భారత్ తన పురోగతిని కొనసాగిస్తోందని పేర్కొన్నారు.
Also Read
- New York Accident: ఉన్నత చదువుల కోసం అమెరికా వెళ్లి.. ఉద్యోగం సాధించిన వారానికే మృత్యుఒడికి..
- Hero Splendor+ బైక్ ధరలు పెంపు.. అన్ని వేరియంట్లపై భారీగా పెరిగిన రేట్లు.. కొత్త ధరలు ఇవే!
- Telugu Movie Piracy: టాలీవుడ్లో మళ్లీ పైరసీ కలకలం.. ఒకే వెబ్సైట్లో 4 కొత్త సినిమాలు లీక్..
- Gold and Silver Prices: గోల్డ్, సిల్వర్ ధరల్లో భారీ పతనం.. వారం రోజుల్లో ఎంత తగ్గిందంటే..?
దేశంలో కొందరు నిరాశావాదంతో తప్పుడు ప్రచారం చేస్తూ ప్రజల్లో నిరుత్సాహాన్ని వ్యాప్తి చే2026-27 ఆర్థిక సంవత్సరం తొలి త్రైమాసికంస్తున్నారని ప్రధాని మోదీ ప్రతిపక్షాలపై పరోక్షంగా విమర్శలు చేశారు. ఇలాంటి అడ్డంకులను అధిగమిస్తూ భారత్ 7.8% వృద్ధిని సాధించిందని అన్నారు. ఇదే వేగాన్ని కొనసాగించాల్సిన అవసరం ఉందని, ఆత్మనిర్భర్ భారత్ లక్ష్యాన్ని మరింత బలోపేతం చేయాలని పిలుపునిచ్చారు.
‘వోకల్ ఫర్ లోకల్’కు ప్రాధాన్యం..
దేశీయ ఉత్పత్తులు, స్థానిక వినియోగానికి ప్రజలు మరింత ప్రాధాన్యం ఇవ్వాలని మోదీ సూచించారు. ‘స్వదేశీ’, ‘వోకల్ ఫర్ లోకల్’ స్ఫూర్తిని ప్రజలు పాటించాలని అన్నారు. విదేశాలకు విహారయాత్రలకు వెళ్లాల్సిన అవసరం లేకపోతే వెళ్లవద్దని, వివాహాలను కూడా విదేశాల్లో కాకుండా భారత్లోనే నిర్వహించేలా ‘వెడ్ ఇన్ ఇండియా’కు ప్రాధాన్యం ఇవ్వాలని సూచించారు. అవసరం లేనప్పుడు బంగారం కొనుగోలు చేయడాన్ని కూడా తగ్గించాలని అన్నారు.
స్వదేశీ, ఆత్మనిర్భరతకు ఎంత ఎక్కువ ప్రాధాన్యం ఇస్తే అంత బలమైన భారత్ను నిర్మించగలమని ప్రధాని పేర్కొన్నారు. స్వాతంత్య్రం వచ్చి 100 సంవత్సరాలు పూర్తయ్యే సమయానికి యువతకు అభివృద్ధి చెందిన భారత్ను అందించాలన్న లక్ష్యంతో ముందుకు సాగాలని పిలుపునిచ్చారు.
రూ.81.36 లక్షల కోట్లకు వాస్తవ జీడీపీ..
కేంద్ర గణాంకాలు, కార్యక్రమాల అమలు మంత్రిత్వ శాఖ (MoSPI) విడుదల చేసిన గణాంకాల ప్రకారం.. 2026-27 ఆర్థిక సంవత్సరం తొలి త్రైమాసికంలో వాస్తవ జీడీపీ రూ.81.36 లక్షల కోట్లుగా నమోదైంది. 2025-26 ఇదే త్రైమాసికంలో ఇది రూ.75.46 లక్షల కోట్లుగా ఉంది. దీంతో ఏడాది ప్రాతిపదికన 7.8% వృద్ధి నమోదైంది. ఈ వృద్ధి రిజర్వ్ బ్యాంక్ ఆఫ్ ఇండియా (RBI) గతంలో అంచనా వేసిన 7% కంటే ఎక్కువగా ఉండటం విశేషం. పూర్తి 2026-27 ఆర్థిక సంవత్సరానికి వాస్తవ జీడీపీ వృద్ధి అంచనాను ఆర్బీఐ 6.6% నుంచి 6.7%కి సవరించింది.
ప్రస్తుత ధరల ఆధారంగా లెక్కించే నామమాత్ర జీడీపీ 2026-27 తొలి త్రైమాసికంలో రూ.88.27 లక్షల కోట్లుగా నమోదైంది. గత ఆర్థిక సంవత్సరం ఇదే కాలంలో ఇది రూ.80 లక్షల కోట్లుగా ఉండగా.. ఈసారి 10.3 శాతం వృద్ధి నమోదైంది. అదే సమయంలో వాస్తవ స్థూల విలువ జోడింపు (GVA) రూ.73.82 లక్షల కోట్లుగా నమోదైంది. గత ఏడాది తొలి త్రైమాసికంలో రూ.68.21 లక్షల కోట్లుగా ఉన్న వాస్తవ GVA ఈసారి 8.2 శాతం వృద్ధి చెందింది.
7.8% growth.
Strong numbers.
Even stronger confidence. pic.twitter.com/ZVPpnAXrVU
— Narendra Modi (@narendramodi) September 1, 2026
తాజావార్తలు
-
Mayukha : ఓటీటీలోకి వచ్చేసిన సైకలాజికల్ థ్రిల్లర్ ‘మయూఖ’.. కానీ ఒక్క కండిషన్?
-
New York Accident: ఉన్నత చదువుల కోసం అమెరికా వెళ్లి.. ఉద్యోగం సాధించిన వారానికే మృత్యుఒడికి..
-
Hero Splendor+ బైక్ ధరలు పెంపు.. అన్ని వేరియంట్లపై భారీగా పెరిగిన రేట్లు.. కొత్త ధరలు ఇవే!
-
Hardik Pandya Trade: హార్దిక్ను ఎందుకు తీసుకున్నామంటే.. పంజాబ్ కింగ్స్ హెడ్ కోచ్ ఆసక్తికర వ్యాఖ్యలు!
-
UNEXPECTED – SAFED SACH: దేశాన్ని కుదిపేసిన డెహ్రాడూన్ బస్సు ఘటనపై సినిమా
ట్రెండింగ్
-
Ball Tampering Scandal: కమిన్స్ను కెప్టెన్సీ నుంచి తప్పిస్తే గుడ్బై చెబుతా?.. ఆసీస్ పేసర్ సంచలన వ్యాఖ్యలు!
-
Gold Purity: హాల్మార్క్ గోల్డ్లోనూ కల్తీ.. యంత్రాలకు కూడా దొరకని విధంగా ‘రేడియం పౌడర్’ మిక్స్..
-
IND vs PAK: పాకిస్థాన్తో మ్యాచ్ మాకో లెక్కే కాదు.. టీమిండియా కెప్టెన్ హాట్ కామెంట్స్..!
-
World Television Day 2026: బ్లాక్ అండ్ వైట్ నుంచి స్మార్ట్ టీవీ వరకు.. ఆసక్తికర ప్రయాణం.!
-
World Hello Day 2026 : ఒక్క ‘హలో’తో ఇన్ని లాభాలా?.. నవంబర్ 21 ప్రత్యేకత ఇదే.!