IND vs WI Dream11 Team Prediction for 5th T20I: భారత్, వెస్టిండీస్ జట్ల మధ్య నేడు సిరీస్‌ డిసైడర్ అయిన ఐదో టీ20 మ్యాచ్ జరగనుంది. భారత యువ జట్టు మొదటి, రెండో టీ20 మ్యాచ్‌లలో ఓడినా.. మూడు, నాలుగు టీ20ల్లో అద్భుత విజయాలు సాధించి తామూ సిరీస్‌ రేసులో ఉన్నామని చాటిచెప్పారు. మరోవైపు విండీస్ కూడా బలంగా ఉంది. దాంతో రసవత్తర పోరు ఖాయంగా కనిపిస్తోంది. ఫ్లోరిడాలోని లాడర్‌హిల్స్ మైదానంలో నేటి రాత్రి 8 గంటలకు ఈ మ్యాచ్ ఆరంభం కానుంది. ఈ మ్యాచ్ జియో సినిమా ఓటీటీ, ఫ్యాన్‌కోడ్‌ ఓటీటీలో ప్రత్యక్ష ప్రసారం కానుంది.
నాలుగో టీ20 జరిగిన లాడర్‌హిల్స్ మైదానంలోనే ఐదో టీ20 జరగనుంది. ఫ్లోరిడాలోని వేడి వల్ల ఆటగాళ్లు ఇబ్బంది పడాల్సిన పరిస్థితి ఉంటుంది. ఐదో టీ20లో కూడా భారీ స్కోర్లు నమోదయ్యే అవకాశం ఉంది. రెండో ఇన్నింగ్స్‌లో పిచ్ స్పిన్నర్లకు అనుకూలంగా మారే అవకాశం ఉంది. భారత్ ఇద్దరు స్పెషలిస్ట్ స్పిన్నర్లతో బరిలోకి దిగే అవకాశం ఉంది. ఇక ఒక్క రోజు వ్యవధిలోనే ఒకే మైదానంలో రెండు టీ20లు జరగడం అక్కడి క్రికెట్ అభిమానులకు పండగే అని చెప్పాలి.
తుది జట్లు (IND vs WI Playing 11):
భారత్: శుభ్‌మన్ గిల్, యశస్వి జైస్వాల్, సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్), సంజూ శాంసన్‌ (కీపర్), అక్షర్ పటేల్, యుజ్వేంద్ర చహల్/రవి బిష్ణోయ్, కుల్దీప్ యాదవ్, అర్ష్‌దీప్‌ సింగ్, ముకేశ్‌ కుమార్‌.
వెస్టిండీస్: బ్రాండన్ కింగ్, కేల్ మేయర్స్, షై హోప్, నికోలస్ పూరన్ (కీపర్), రోవ్‌మన్ పావెల్ (కెప్టెన్), షిమ్రోన్ హెట్‌మయెర్, జాసన్ హోల్డర్, రొమారియో షెఫెర్డ్, ఓడియన్ స్మిత్, అకీల్ హుసేన్, ఒబెడ్ మెకాయ్‌.
డ్రీమ్ 11 టీమ్ (IND vs WI 5th T20 Dream11 Team):
కీపర్ – నికోలస్ పూరన్
బ్యాటర్స్ – సూర్యకుమార్ యాదవ్ (వైస్ కెప్టెన్), రోవ్‌మన్ పావెల్, శుభమాన్ గిల్, తిలక్ వర్మ (కెప్టెన్)
ఆల్ రౌండర్లు – కైల్ మేయర్స్, హార్దిక్ పాండ్యా
బౌలర్లు – యుజ్వేంద్ర చహల్, కుల్దీప్ యాదవ్, రొమారియో షెపర్డ్, అల్జారీ జోసెఫ్