Hyderabad Cyber Crime: 1980s ఫోటోలపై హైదరాబాద్ సైబర్ క్రైమ్ పోలీసుల హెచ్చరికలు జారీ చేశారు. సోషల్ మీడియాలో 1980s /Retro Photo Trend పేరుతో వ్యక్తిగత ఫోటోలు షేర్ చేయొద్దని స్పష్టం చేశారు. ట్రెండింగ్ పేరుతో వచ్చే APK ఫైల్స్ను డౌన్లోడ్ చేయవద్దని తెలిపారు. తెలియని యాప్లు ఇన్స్టాల్ చేస్తే ఫోన్లోని ఫోటోలు, డేటా దుర్వినియోగం అయ్యే అవకాశముందని పేర్కొన్నారు. వెబ్సైట్లలో వ్యక్తిగత ఫోటోలు అప్లోడ్ చేయడం పట్ల అప్రమత్తంగా ఉండాలని సూచించారు. ఫోటోలు బయటకు వెళ్తే వాటిని మార్ఫింగ్ చేసి బెదిరింపులకు పాల్పడే అవకాశం ఉందని సైబర్ పోలీసులు హెచ్చరిస్తున్నారు. ఏఐ టూల్స్తో ఫోటోలను మార్ఫింగ్ చేసి నకిలీ ఫోటోలు/వీడియోలు సృష్టించే ప్రమాదం ఉందని చెబుతున్నారు. ఇతరుల ఫోటోలను వారి అనుమతి లేకుండా ట్రెండ్ పేరుతో పోస్ట్ చేయొద్దు. 1980s ఫోటో ట్రెండ్ కోసం వచ్చే అనుమానాస్పద లింకులు క్లిక్ చేయొద్దు… ట్రెండ్ పేరుతో APK ఫైల్ పంపించే వ్యక్తులు, వాట్సాప్ గ్రూపులు, సోషల్ మీడియా లింకుల విషయంలో జాగ్రత్తగా ఉండాలి. వ్యక్తిగత భద్రత కోసం ఫోటోలు, ఎవరికి పడితే వారికి పంపొద్దు. ఇప్పటికే అనుమానాస్పద యాప్ డౌన్లోడ్ చేసి ఉంటే వెంటనే తొలగించి, బ్యాంకింగ్/వ్యక్తిగత ఖాతాలను పరిశీలించాలి. సైబర్ మోసానికి గురైతే వెంటనే 1930కు కాల్ చేయాలి. సమీపంలోని సైబర్ క్రైమ్ పోలీస్ స్టేషన్లో ఫిర్యాదు చేయాలి. ట్రెండ్ కంటే వ్యక్తిగత భద్రతే ముఖ్యం అంటూ హైదరాబాద్ సైబర్ క్రైమ్ పోలీసులు ఓ ప్రకటనలో పేర్కొన్నారు..
Hyderabad Cyber Crime: 1980s ఫోటో ట్రెండ్పై హైదరాబాద్ సైబర్ క్రైమ్ పోలీసుల బిగ్ వార్నింగ్..
Hyd