Crime News: దారుణం.. భార్య అందంగా తయారవుతోందని చంపేశాడు..!

Crime News: ఎవరైనా తన భార్య అందంగా ఉండాలని కోరుకుంటారు. కానీ ఓ భర్త తన భార్య అందంగా తయారై బయటకు వెళ్లడాన్ని సహించలేకపోయాడు. భార్య అందంగా తయారవడం ఇష్టం లేని ఆ భర్త అనేక సార్లు గొడవపడేవాడు. చివరకు నమ్మించి బయటకు తీసుకెళ్లి హత్య చేసిన ఘటన కర్ణాటకలోని రామనగర జిల్లా మాగడిలో జరిగింది. మాగడికి చెందిన దివ్య(32), ఉమేశ్ భార్యాభర్తలు. దివ్య అందంగా కనపడాలనే ఉద్దేశంతో ఎప్పుడూ లిప్‌స్టిక్ వేసుకునేది. ఓ టాటూ కూడా వేయించుకుంది. దీంతో ఇద్దరి మధ్య గొడవలు జరిగేవి. ఈ నేపథ్యంలో భర్త అనుమానాలు, వేధింపులు తట్టుకోలేక దివ్య విడాకుల కోసం కోర్టుకు కూడా వెళ్లారు.

Read Also: PM Narendra Modi: ప్రధాని మోడీ ఖాతాలో మరో రికార్డు.. నెహ్రూ, ఇందిరా తర్వాత ఆయనకే..

కోర్టు విచారణకు హాజరైన అనంతరం ఇక అనుమానించనని ఆమెను నమ్మించి ఓ గుడికి తీసుకెళ్లాడు. అయితే ఆమెను హత్య చేయాలన ముందే నిర్ణయించుకున్న ఉమేశ్.. దర్శనం అనంతరం తన నలుగురు స్నేహితులతో కలిసి హత్య చేశాడు. అనంతరం మృతదేహాన్ని అడవిలో పడేశారు. ఈ విషయం తెలుసుకున్న పోలీసులు దర్యాప్తు చేపట్టి.. ముగ్గురు నిందితులను పట్టుకున్నారు. ఉమేశ్‌తో పాటు మరొకరు పరారీలో ఉన్నారు. వారి కోసం పోలీసులు వెతుకుతున్నారు.