Devara : భారీగా ‘దేవర ‘ థ్రియేటికల్ బిజినెస్..

పాన్ ఇండియా హీరో గ్లోబల్ స్టార్ ఎన్టీఆర్ – కొరటాల శివ కాంబోలో తెరకెక్కుతున్న భారీ బడ్జెట్ మూవీ ‘దేవర ‘ కోసం ప్రపంచవ్యాప్తంగా ఫ్యాన్స్ వెయిట్ చేస్తున్నారు.. ఈ సినిమా అనుకున్న దానికన్నా ముందే థియేటర్లలో రిలీజ్ కాబోతున్నట్లు మేకర్స్ ఇటీవలే ప్రకటించిన సంగతి తెలిసిందే.. సెప్టెంబర్ 27 న ఈ సినిమా ప్రపంచ వ్యాప్తంగా రిలీజ్ కాబోతుంది.. తాజాగా ఈ సినిమాకు థ్రియేటికల్ బిజినెస్ భారీగానే జరిగినట్లు తెలుస్తుంది..

త్రిపుల్ ఆర్ తర్వాత ఎన్టీఆర్ నటిస్తున్న భారీ బడ్జెట్ సినిమా కావడంతో ఈ సినిమాకు మొదటి నుంచే భారీ అంచనాలు ఉన్నాయి. ఇక ఈ సినిమా నుంచి వచ్చిన ఒక్కో అప్డేట్ సినిమా పై ఆసక్తి కలిగిస్తున్నాయి. ఇక తెలుగు రాష్ట్రాల్లో ఈ మూవీ ప్రీరిలీజ్ బిజినెస్ భారీగా జరిగింది. తెలుగు రాష్ట్రాల్లో దేవర డిస్ట్రిబ్యూషన్ హక్కుల మొత్తం రూ.110 కోట్లు ఉండవచ్చునని సినీ క్రిటిక్స్ అంచనా వేస్తున్నారు..

ఈ సినిమా థ్రియేటికల్ హక్కులను ఏపీలో సితారా ఎంటర్టైన్మెంట్స్ సొంతం చేసుకోగా.. తెలంగాణాలో దిల్ రాజు డిస్ట్రిబ్యూట్ చేయనున్నాడు. రెండు తెలుగు రాష్ట్రాల్లోనే ఈ హక్కుల విలువ రూ.110 కోట్లు కాగా.. ఓవర్సీస్ హక్కులు మరో రూ.27 కోట్లుగా అంచనా వేస్తున్నారు.. ప్రస్తుతం ఈ సినిమా షూటింగ్ ను శరవేగంగా పూర్తి చేసే పనిలో మేకర్స్ ఉన్నారు.. ఈ సినిమాలో జాన్వీ, ఎన్టీఆర్ ల మధ్య ఓ సాంగ్ ను చిత్రీకరించే పనిలో మేకర్స్ ఉన్నారు.. త్వరలోనే వీడియో సాంగ్ ను రిలీజ్ చేసే అవకాశాలు ఉన్నట్లు సమాచారం..