Free Flight Tickets: విమాన టిక్కెట్లు ఫ్రీగా ఇస్తాం.. మా దేశం వచ్చిపోండి

Free Flight Tickets: కరోనా మహమ్మారి కారణంగా ప్రపంచం తలకిందులైంది. పలు దేశాల్లోని ప్రజల జీవన స్థితిగతులు మారిపోయాయి. ఎన్నో దేశాల ఆర్థిక వ్యవస్థ దెబ్బతింది. పర్యాటక రంగంపైనే పూర్తిగా ఆధారపడిన హాంకాంగ్ పరిస్థితి దారుణంగా తయారైంది. దీంతో ఆ దేశం కీలక నిర్ణయం తీసుకుంది. కోవిద్ కారణంగా కుదేలయిన పర్యాటక రంగానికి ఊతమిచ్చేందుకు విదేశీ పర్యాటకులకు బంపర్ ఆఫర్ ప్రకటించింది. దాదాపు 5లక్షలు ఉచితంగా ఫ్లైట్ టికెట్లు ఇవ్వనున్నట్లు ప్రకటించింది. పర్యాటక ప్రచార కార్యక్రమం ‘హలో హాంకాంగ్’ ప్రారంభిస్తూ 5 లక్షల ఫ్లైట్ టికెట్లు ఉచితంగా పంపిణీ చేయనున్నట్లు తెలిపింది. ఈమేరకు హాంకాంగ్ విమానయాన సంస్థలు గురువారం ప్రకటన విడుదల చేశాయి. ఈ పథకంలో భాగంగా తమ దేశాన్ని సందర్శించాలనుకున్న పర్యాటకులకు వన్ ప్లస్ వన్ పద్ధతిలో టికెట్లు ఇవ్వనున్నట్లు సమాచారం. లక్కీ డ్రా విధానంలోనూ ఈ ఉచిత టికెట్లను గెలుచుకోవచ్చని కంపెనీ ప్రతినిధులు తెలిపారు. మార్చి నుంచి సెప్టెంబర్ వరకు విడతల వారీగా ఉచిత టికెట్లను పంపిణీ చేస్తామని వివరించారు.

Read Also: Workers Strike : అట్టుడుకుతున్న బ్రిటన్.. వేతనాల కోసం రోడ్డెక్కిన లక్షలాది మంది

టికెట్లతో పాటు పలు కూపన్లు, క్యాష్ వోచర్లను గెలుచుకునే అవకాశంకూడా ఉందన్నారు. ఉచిత విమాన టికెట్ల కోసం హాంకాంగ్ ఎయిర్ లైన్స్ సంస్థలు ఏకంగా 2 బిలియన్ హాంకాంగ్ డాలర్లు (మన కరెన్సీలో రూ.2,100 కోట్లు) ఖర్చుచేస్తున్నాయి. భారతీయులకు కూడా ఉచిత టికెట్ల ఆఫర్ వర్తిస్తుందని, మార్చిలో ఇండియా, సౌత్ ఈస్ట్ ఆసియా పౌరులకు టికెట్లు కేటాయిస్తామని హాంకాంగ్ విమానయాన సంస్థల ప్రతినిధి వెల్లడించారు. ఆ తర్వాత ఏప్రిల్ లో చైనా పౌరులకు, మే నెలలో నార్త్ ఈస్ట్ ఆసియా తో పాటు ఇతర దేశాల పౌరులకు టికెట్లు కేటాయిస్తామని వివరించారు. జులైలో తమ దేశ పౌరులకు కూడా ఈ ఆఫర్ ను వర్తింపజేస్తామని తెలిపారు. అయితే, ఈ పథకానికి సంబంధించిన విధివిధానాలను హాంకాంగ్ విమానయాన సంస్థలు ఇంకా వెల్లడించలేదు.

Read Also:Nizamabad Crime: బెంచీ మీద కూర్చునే విషయంపై విద్యార్థుల మధ్య గొడవ.. ఛాతీపై బలంగా..