China Pig: చైనాలో షాకింగ్ ఘటన చోటు చేసుకుంది. పందిని చంపేందుకు ప్రయత్నించిన కసాయి విగతజీవిగా మారాడు. తనను చంపేందుకు ప్రయత్నించిన కసాయిపై పెంపుడు పంది తిరగబడి దాడి చేసింది. ఎలక్ట్రిక్ గన్‌తో పడగొట్టిన తరువాత, పంది స్పృహలోకి వచ్చి కసాయిపై దాడి చేసింది. ప్రమాదంలో 61 ఏళ్ల వ్యక్తి ప్రాణాలు కోల్పోయాడు. హాంకాంగ్‌లోని ఓ కబేళాలో ఈ ప్రమాదం జరిగింది. పోలీసులు తెలిపిన వివరాల ప్రకారం.. నిన్న మధ్యాహ్నం ఒంటిగంట సమయంలో షెయుంగ్ షుయ్ స్లాటర్‌హౌస్‌లో ఈ ప్రమాదం జరిగింది. కబేళాలో ఉపయోగించే పద్ధతి… ఎలక్ట్రిక్ గన్‌తో స్టన్ చేసి, ఆపై కత్తితో చంపడం. మరణించిన వృద్ధుడు కూడా ఇదే పద్ధతిని అనుసరించాడు. అతను ఎలక్ట్రిక్ స్టన్ గన్‌తో నుదుటిపై కాల్చి పందిని అపస్మారక స్థితిలో పడేశాడు.
Read Also: Arvind Dharmapuri : ప్రశాంత్ రెడ్డిపై ఎంపీ అరవింద్ తిట్లపురాణం
కానీ పంది స్పృహలోకి వచ్చి అతని వైపు పరుగెత్తింది. అతని చేతిలోని సుమారు ఒకటిన్నర అడుగుల పొడవాటి కొడవలితో పందిని పొడిచాడు. కబేళాకు చెందిన మరో ఉద్యోగి వచ్చేసరికి అతని ఎడమ కాలికి కత్తి తగిలి ఉంది. ఆ కసాయి మైదానంలో అపస్మారక స్థితిలో కనిపించాడు.. వెంటనే ఆసుపత్రికి తరలించగా, అప్పటికే మరణించినట్లు వైద్యులు చెప్పారు. మృతికి గల కారణాలు స్పష్టంగా తెలియరాలేదని, ఘటనపై కార్మిక శాఖ విచారణ ప్రారంభించిందని పోలీసులు తెలిపారు.
Read Also:Pawan Kalyan varahi : రేపు కొండగట్టుకు వారాహి.. పూజల అనంతరం రోడ్డెక్కనున్న వాహనం
మరణించిన కార్మికుడి కుటుంబాన్ని ఆదుకుంటామని కార్మిక శాఖ ప్రకటించింది. ఈ ఘటనపై త్వరలోనే విచారణ పూర్తి చేసి మృతికి గల కారణాలను వెలికితీస్తామని పోలీసులు తెలిపారు. పని పరిసరాల్లో ఉద్యోగుల భద్రతను పెంచాలని అధికారులను డిమాండ్ చేశారు కార్మికులు. లేబర్ డిపార్ట్‌మెంట్ కూడా భద్రతా లోపమా అనే కోణంలో దర్యాప్తు చేస్తోంది. కార్మిక చట్టాలను ఉల్లంఘిస్తే కఠిన చర్యలు తీసుకుంటామని అధికారులు తెలిపారు. ప్రపంచంలోని అతిపెద్ద మాంసం వినియోగదారులలో హాంకాంగ్ ఒకటి. హాంకాంగ్‌లు సగటు బ్రిటన్‌తో పోలిస్తే రోజుకు నాలుగు రెట్లు ఎక్కువ మాంసాన్ని తింటారని అంచనా. పంది మాంసం, గొడ్డు మాంసం హాంకాంగ్ ప్రజలకు ఇష్టమైన మాంసం వంటకాలు.