Health Tips : చలికాలంలో ఈ టీని తాగితే ఏం జరుగుతుందో తెలుసా?

చలికాలంలో పొగ మంచు, చలి వల్ల జలుబు, దగ్గు, ముక్కు దిబ్బడ కూడా చేస్తుంది. అందులోనూ ఉబసం ఉన్న వారికి అయితే కఫం అనేది బాగా పడుతుంది.. దాంతో తినడానికి, శ్వాస తీసుకోవడం కూడా ఇబ్బందిగా ఉంటుంది.. చలి కాలంలో వచ్చే శ్వాస సమస్యలకు లవంగా బాగా సహాయ పడతాయి. మందులు ఎన్ని మింగినా సైడ్ ఎఫెక్ట్స్ ఎక్కువగా ఉంటాయి. ఆయుర్వేదంలో లవంగాలను.. అనారోగ్య సమస్యల్ని తగ్గించే ఔషధంలా ఉపయోగిస్తారు. లవంగాలతో తయారు చేసిన టీ తాగడం వలన కఫాన్ని తగ్గించుకోవచ్చునని నిపుణులు చెబుతున్నారు..

ఈ లవంగాల టీలో యాంటీ వైరల్, యాంటీ బ్యాక్టీరియల్ లక్షణాలు ఎక్కువగా ఉంటాయి. దీంతో జలుబు, దగ్గు, జ్వరం అనేవి తగ్గుతాయి.. ఇవే కాదు సైనస్ తో బాధపడుతున్న వారు కూడా ఈ టీని రోజు తాగడం వల్ల అనేక సమస్యలు ఇట్టే తగ్గిపోతాయని చెబుతున్నారు.. ఈ లవంగాల టీ తాగినప్పుడు.. కాకర కాయలతో చేసిన వంటకాలు ఎక్కువగా తినాలి. ఎందుకంటే కాకర కాయలకు కూడా కఫాన్ని విరిచే శక్తి ఉంది. ఈ లవంగాల టీ తాగడం వల్ల వికారం, అజీర్తి, వికారం, వాంతులు వంటివి కూడా రాకుండా ఉంటాయని చెబుతున్నారు..

ఈ టీని ఎలా తయారు చెయ్యాలంటే.. ఒక గిన్నెలో రెండు కప్పుల నీళ్లు తీసుకుని దీన్ని స్టవ్ మీద పెట్టి బాగా మరింగాలి. ఇప్పుడు చిన్న అల్లం, దాల్చిన ముక్క వేసి, ఓ మూడు లవంగాలు వేసి బాగా మరిగించు కోవాలి. ఇవి బాగా మరిగాక స్టవ్ ఆఫ్ చేసి, వడకట్టి ఒక గ్లాస్ లోకి తీసుకుని కాస్త తేనె వేసుకొని తాగొచ్చు.. లేదా ఘాటుగా ఉండాలి అనుకుంటే మాత్రం అలానే తాగొచ్చు..

నోట్ : ఇంటర్నెట్ లో సేకరించిన సమాచారం ఆధారంగా ఈ వార్తను పబ్లిష్ చేస్తున్నాము. ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. తదుపరి జరిగే ఎలాంటి పరిణామాలకు ఎన్టీవీతెలుగు.కామ్ బాధ్యత వహించదు.