Harshit Rana: టోర్నీ ప్రారంభం కాకముందే KKRకి భారీ షాక్.. హర్షిత్ రాణా టోర్నీ నుండి అవుట్..!

Harshit Rana: ఇండియన్ ప్రీమియర్ లీగ్ (IPL) 2026 సీజన్ ప్రారంభానికి ముందే కోల్‌కతా నైట్ రైడర్స్ (KKR)జట్టుకు పెద్ద ఎదురుదెబ్బ తగిలింది. జట్టు కీలక ఫాస్ట్ బౌలర్ హర్షిత్ రాణా (Harshit Rana) గాయం కారణంగా మొత్తం IPL 2026 సీజన్‌కు దూరమయ్యాడు. హర్షిత్ రాణాను కోల్‌కతా నైట్ రైడర్స్ ఫ్రాంచైజీ రూ.4 కోట్లకు రిటైన్ చేసుకుంది. గత సీజన్ IPL 2025లో హర్షిత్ రాణా 13 మ్యాచ్‌లు ఆడి మొత్తం 15 వికెట్లు తీసి మంచి ప్రదర్శన ఇచ్చాడు. అయితే దక్షిణాఫ్రికాతో జరిగిన ఐసీసీ టీ20 వరల్డ్ కప్ 2026 వార్మప్ మ్యాచ్‌లో ఆయనకు గాయం కావడంతో టోర్నీకి కూడా దూరమయ్యాడు. ప్రస్తుతం KKR అతనికి ప్రత్యామ్నాయంగా ఎవరిని ఎంపిక చేయాలనే విషయంపై ఇంకా అధికారిక ప్రకటన చేయలేదు.

SSC Exams: నేటి నుంచి తెలంగాణలో టెన్త్ పరీక్షలు.. విద్యార్థులు, పేరెంట్స్ తప్పక పాటించాల్సిన ముఖ్య సూచనలు

ఇప్పటికే జట్టు జింబాబ్వేకు చెందిన ఫాస్ట్ బౌలర్ బ్లెస్సింగ్ ముజరబానీను తమ స్క్వాడ్‌ లోకి తీసుకుంది. దీంతో హర్షిత్ రాణా స్థానాన్ని ముజరబానీ భర్తీ చేసే అవకాశాలు ఉన్నాయి. మరోవైపు జట్టు స్టార్ ఆల్‌రౌండర్ ఆండ్రీ రస్సెల్ రిటైర్మెంట్ తర్వాత హర్షిత్ రాణా కూడా జట్టుకు అందుబాటులో లేకపోవడం ఇప్పుడు KKRకు పెద్ద దెబ్బగా మారింది. ముఖ్యంగా డెత్ ఓవర్లలో బౌలింగ్ విషయంలో జట్టుకు ఇబ్బందులు తలెత్తే అవకాశముంది. జట్టులో ప్రస్తుతం శ్రీలంక ఫాస్ట్ బౌలర్ మతీశ పతిరానా ఉన్నాడు. ఆయనను వేలంలో రూ.18 కోట్ల భారీ ధరకు కొనుగోలు చేసింది జట్టు యాజమాన్యం.

Sachin Tendulkar: సచిన్ రిటైర్మెంట్ వెనుక ఇంత కథ ఉందా.. డ్రెస్సింగ్ రూంలోనే ప్లాన్..?

ముజరబానీ విషయానికి వస్తే.. T20 వరల్డ్ కప్ 2026లో అత్యధిక వికెట్లు తీసిన బౌలర్లలో అతను ఒకరు. మొత్తం టోర్నీలో 13 వికెట్లు సాధించాడు. దీంతో హర్షిత్ రాణా లేమిని ముజరబానీ పూడ్చగలడని కోల్‌కతా ఆశిస్తోంది. ఇదిలా ఉంటే కోల్‌కతా నైట్ రైడర్స్ నేడు (మార్చి 14) తమ కొత్త జెర్సీని విడుదల చేయనుంది. అలాగే బీసీసీఐ ప్రకటించిన షెడ్యూల్ ప్రకారం, IPL 2026లో KKR తన తొలి మ్యాచ్‌ను మార్చి 29న ముంబై ఇండియన్స్ తో ఆడనుంది.