హైదరాబాద్‌ నగరంలో పలుచోట్ల బీఆర్‌ఎస్‌ ఎమ్మెల్యే, మాజీ మంత్రి హరీష్ రావుకు వ్యతిరేకంగా ఫ్లెక్సీలు వెలిశాయి. రుణమాఫీ కాంగ్రెస్‌ ప్రభుత్వం చేయలేదని, అలాగానీ కాంగ్రెస్‌ ప్రభుత్వం రెండు లక్షల రైతు రుణమాఫీ చేస్తే నేను రాజీనామా చేస్తానని గతంలో హరీష్ రావు వ్యాఖ్యలపై ఈ ఫ్లెక్సీలు ఏర్పాటు చేశారు. మైనంపల్లి అభిమానుల పేరిట వెలసిన ఫ్లెక్సీల్లో ఈ ఫ్లెక్సీల్లో దమ్ముంటే రాజీనామా చెయ్.. రుణ మాఫీ అయి పోయే.. నీ రాజీనామా ఏడ బోయే.. అగ్గిపెట్ట హరీశ్ రావు’ అని రాశారు. ఈ ఫ్లెక్సీలను సికింద్రాబాద్, ప్యాట్నీ, ప్యారడైజ్, రసూల్ పుర, బేగంపేట్, పంజాగుట్ట సహా పలు ప్రాంతాల్లో ఏర్పాటు చేశారు. మరోవైపు తన రాజీనామా సవాల్‌పై హరీశ్‌రావు ఇప్పటికే సీఎం రేవంత్‌రెడ్డికి కౌంటర్ ఇచ్చారు. రుణమాఫీ కోతలతో మోసాలతో కూడుకుని ఉందని రైతులను, దేవుళ్లను కూడా రేవంత్‌రెడ్డి మోసం చేశారంటూ హరీశ్‌రావు విమర్శించారు. ఇదిలా ఉంటే.. నిన్న రూ.2 లక్షల రైతు రుణమాఫీ చేస్తూ సీఎం రేవంత్‌ రెడ్డి ప్రకటించారు. ఈ మేరకు ఖమ్మంలో ఏర్పాటు చేసిన సభలో మాట్లాడుతూ.. రైతు రుణమాఫీ చేస్తానన్న హరీష్ రావు బేషరతుగా రాజీనామా చేయాలని డిమాండ్‌ చేశారు. సిగ్గుంటే అన్నమాటపై నిలబడి రాజీనామా చేయాలని రేవంత్‌ రెడ్డి వ్యాఖ్యానించారు.
