Gujarat Titans Record: ముంబై చేతిలో ఘోర ఓటమి.. గుజరాత్ టైటాన్స్ ఖాతాలో చెత్త రికార్డు.!

Gujarat Titans Record: అహ్మదాబాద్ వేదికగా జరిగిన గుజరాత్ టైటాన్స్ జట్టు ముంబై ఇండియన్స్ చేతిలో భారీ ఓటమి చవి చూసింది. 200 పరుగుల లక్ష్యాన్ని ఛేదించాల్సిన గుజరాత్ టైటాన్స్, కేవలం 15.5 ఓవర్లలో 100 పరుగులకే ఆలౌట్ అయి 99 పరుగుల తేడాతో పరాజయం పాలైంది. ఈ మ్యాచ్‌లో ఓటమితో పాటు గుజరాత్ టైటాన్స్ తమ ఐపీఎల్ చరిత్రలో రెండో అత్యల్ప స్కోర్‌ ను నమోదు చేసింది.

SRH vs DC Playing XI: ఇరుజట్లకూ గాయాల టెన్షన్.. కమిన్స్‌, అక్షర్ పటేల్ ఆడతారా.?

ఈ మ్యాచ్‌లో గుజరాత్ టైటాన్స్ ఆల్‌రౌండర్ వాషింగ్టన్ సుందర్ 26 పరుగులతో టాప్ స్కోరర్‌గా నిలవడం గమనార్హం. ఇంతకుముందు 2024లో ఢిల్లీ క్యాపిటల్స్‌ పై ఇదే గ్రౌండ్ లో 89 పరుగులకే ఆలౌట్ అయ్యి వారి కనిష్ట స్కోర్‌ను నమోదు చేసుకొంది. మ్యాచ్ వివరాల్లోకి వెళ్తే.. గుజరాత్ టైటాన్స్ టాస్ గెలిచి ముందుగా బౌలింగ్ ఎంచుకోగా.. ఈ నిర్ణయానికి తగిన విధంగా రబడా ప్రారంభంలోనే కీలక వికెట్లు తీసి ముంబై ఇండియన్స్‌ను ఒత్తిడిలోకి నెట్టాడు. డికాక్, డానిష్ మలేవర్ వికెట్లను త్వరగా పడగొట్టడంతో పాటు సూర్య కుమార్ యాదవ్ ను అద్భుత బంతితో ఔట్ చేశాడు.

అయితే ఆ తర్వాత తిలక్ వర్మ అద్భుత ప్రదర్శనతో మ్యాచ్‌ ను ముంబై ఇండియన్స్ వైపు తిప్పాడు. కేవలం 45 బంతుల్లోనే 8 ఫోర్లు, 7 సిక్సర్లతో అజేయ శతకంతో రెచ్చిపోయాడు. అతడు ఆడిన చివరి 23 బంతుల్లోనే 82 పరుగులు చేయడం విశేషం. అలాగే నామన్ ధీర్ 45 పరుగులతో సహకరించడంతో ముంబై ఇండియన్స్ 20 ఓవర్లలో 199/5 భారీ స్కోర్ సాధించింది.

TGSRTC Strike: మరో 24 గంటల్లో ఆర్టీసీ సమ్మె.. చర్చలు ఫలిస్తాయా.?

లక్ష్య చేధనలో గుజరాత్ టైటాన్స్ పూర్తిగా విఫలమైంది. ఓపెనర్ సాయి సుదర్శన్ తొలి బంతికే ఔట్ అవ్వడంతో జస్ప్రీత్ బుమ్రా ఈ ఐపీఎల్ సీజన్ లో తన తొలి వికెట్ నమోదు చేశాడు. అనంతరం అశ్వని కుమార్ కేవలం 24 పరుగులకు 4 వికెట్లు తీసి గుజరాత్‌ను కోలుకోలేని దెబ్బ తీశాడు. వీరికి తోడుగా ఏఎం ఘజన్‌ఫర్, మిచ్చెల్ స్యాంటర్ చెరో రెండు వికెట్లు సాధించారు. ఈ విజయంతో ముంబై ఇండియన్స్ పాయింట్ల పట్టికలో తమ స్థాయిని మెరుగుపరుచుకోగా, గుజరాత్ టైటాన్స్ ఆరు మ్యాచ్‌ల్లో మూడు విజయాలు, మూడు ఓటములతో ఆరో స్థానానికి పడిపోయింది.