Rajmarg Yatra : రాజమార్గ్ యాత్ర యాప్ గురించి మీకు తెలుసా?

Rajmarg Yatra : మీ జీవితాన్ని సులభతరం చేసేందుకు ప్రభుత్వం కొత్త హైవే సూపర్ యాప్ (రాజ్‌మార్గ్ యాత్ర యాప్)ని ప్రారంభించింది. ఈ యాప్‌ను NHAI రూపొందించింది. ఈ యాప్ ద్వారా మీరు హైవేకి సంబంధించిన మొత్తం సమాచారాన్ని ఒకే చోట పొందుతారు. మీరు మరే ఇతర యాప్ లేదా ఏ సైట్‌కి వెళ్లనవసరం లేదు. మీ ఫోన్‌లోని ఈ ఒక్క యాప్ మీ పనిని చాలా సులభతరం చేస్తుంది. ఈ యాప్‌లో సమీపంలోని టోల్ ప్లాజా, దారిలో ఉన్న టోల్ ప్లాజా, జాతీయ రహదారులు, పెట్రోల్ పంప్, హాస్పిటల్, హోటల్ తదితర పూర్తి వివరాలను చూడవచ్చు. ప్రభుత్వం ప్రవేశ పెట్టిన హైవే సూపర్ యాప్ సామాన్య ప్రయాణికుడి అనేక అవసరాలను తీర్చగలదు. హైవేపై ప్రయాణించేటప్పుడు ఈ యాప్ వినియోగదారులకు అనేక రకాల సమాచారం మరియు సౌకర్యాలను అందిస్తుంది.

రాజమార్గ్ యాత్ర యాప్ ఫీచర్లు
* ఈ యాప్‌లో మీరు హైవే మ్యాప్‌ని చూడవచ్చు, ఇందులో టోల్ ప్లాజా, సర్వీస్ స్టేషన్, హాస్పిటల్, హైవేపై ఉన్న పోలీస్ స్టేషన్ వంటి సమాచారం కూడా ఉంటుంది.
* ట్రాఫిక్ అప్‌డేట్‌లు: ఈ సర్వీస్ హైవేపై ప్రస్తుత ట్రాఫిక్ పరిస్థితుల గురించి మీకు సమాచారాన్ని చూపుతుంది. దీనితో మీరు మీ గమ్యాన్ని చేరుకోవడానికి ఉత్తమ సమయాన్ని ఎంచుకోవచ్చు.
* వాతావరణ అప్‌డేట్: ఈ ఫీచర్ ద్వారా మీరు మీ ప్రయాణాన్ని ప్రారంభించే ముందు వాతావరణ సమాచారాన్ని పొందవచ్చు. తద్వారా మీరు వాతావరణానికి అనుగుణంగా సురక్షితంగా ప్రయాణించవచ్చు.
* హాట్‌స్పాట్: దీని ద్వారా మీరు హైవేపై ఉన్న హాట్‌స్పాట్‌ల గురించి కూడా సమాచారాన్ని పొందుతారు. ఇందులో రెస్టారెంట్లు, హోటళ్లు, షాపింగ్ మాల్స్ మొదలైన వాటి గురించిన సమాచారం ఉంటుంది.

రాజమార్గ్ యాత్ర యాప్ ప్రయోజనాలు
* రాజ్‌మార్గ్ యాత్ర యాప్‌తో, మీరు హైవే ట్రాఫిక్ స్థితి, వాతావరణ అప్ డేట్లు.. ఇతర సమాచారాన్ని ముందుగానే పొందవచ్చు. దీంతో సురక్షితంగా ప్రయాణించవచ్చు.
* ఈ యాప్‌ని ఉపయోగించడం ద్వారా, మీరు చాలా సమయాన్ని ఆదా చేసుకోవచ్చు, మీ అవసరాలకు అనుగుణంగా మీ మార్గాన్ని నిర్ణయించుకోవచ్చు.
* ఈ యాప్‌తో మీ జీవితం చాలా సులభం అవుతుంది ఎందుకంటే మీరు ఒకే యాప్‌లో హైవే గురించిన మొత్తం సమాచారాన్ని పొందుతారు.
* మీరు Google Play Store, Apple App Store ప్లాట్‌ఫారమ్‌ల నుండి రాజ్‌మార్గ్ యాత్ర యాప్‌ని డౌన్‌లోడ్ చేసుకోవచ్చు.

Read Also:Diwali release : దీపావళి రేసులో అరడజను సినిమాలు.. సౌండ్ చేసేదెవరు..?

Read Also:Abhimanyu Iswaran: ఫస్ట్ క్లాస్ క్రికెట్‌లో వరుసగా నాలుగో సెంచరీ.. టీమిండియా తలుపు తడుతున్నాడుగా.!