Ganja: హాస్టల్‌లో గంజాయి డెన్.. నివ్వెరపోయిన పోలీసులు..!

Ganja: మత్తు యువతను చిత్తు చేస్తుంది.. గంజాయి యువతతో పాటు.. ఇతరు జీవితాలను కూడా శాసనం చేస్తోంది.. అయితే, హాస్టల్స్‌ను గంజాయి డెన్‌గా మార్చుకోవడం ఇప్పుడు కలకలం రేపుతోంది.. విశాఖపట్నంలోని గాజువాకలో హాస్టల్స్ మాటున గంజాయి డెన్ బయటపడింది.. గుట్టు చప్పుడు కాకుండా ఏజెన్సీ నుండి బస్తాలతో కేజీల కొద్దీ గంజాయిని తీసుకొచ్చి.. హాస్టల్స్‌లో నిల్వ చూస్తున్నారట.. ఇక, అక్కడ విద్యార్థులకు, యువతకు విచ్చాలవిడిగా విక్రయిస్తున్నారు గంజాయి ముఠా సభ్యులు.. చిన్న చిన్న పాకెట్స్ రూపంలో స్కూల్, కాలేజ్ విద్యార్థులకు గంజాయి సప్లై చేస్తూ.. వారిని మత్తుకు బానిసలుగా మారుస్తున్నారు.. వంద, రెండోందలు నుండి అలవాటు చేసి వేల రూపాలయలకు అమ్ముతున్నారు.. ఇలా వారి భవిష్యత్తు, జీవితాలతో చెలగాటం ఆడుతున్నారు.. అయితే, పక్కా సమాచారంతో పోలీసులు రైడ్ చేయగ.. 10 మూటలతో ఉన్న గంజాయి స్వాధీనం చేసుకున్నారు.. ఏడుగురుని అదుపులోకి తీసుకున్నారు.. హాస్టల్ నిర్వాహకుడు రాకేష్ తో పాటు మరో వ్యక్తి పరారీలో ఉన్నట్టుగా చెబుతున్నారు పోలీసులు.. అయితే, హాస్టల్ లో గంజాయి పెద్ద ఎత్తున లభ్యం కావడంతో.. పోలీసులకు షాక్ తిన్నంత పని అయ్యింది.. హాస్టల్స్‌ అయితే ఎవరికీ అనుమానం రాదని.. సఫ్లైయ్‌, విక్రయాలు కూడా సులువుగా చేయవచ్చు అనే ఉద్దేశంతోనే.. హాస్టల్స్‌ మాటున గంజాయి నిల్వలు చేసి విక్రయిస్తున్నట్టు అనుమానిస్తున్నారు పోలీసులు.

Read Also: VN Aditya: ఇక నా సినిమాలు రిలీజ్ చేయరా?.. పీపుల్ మీడియా ఫ్యాక్టరీపై డైరెక్టర్ అసహనం!