Cybercrime: మీ ఫోన్ కి ఈ సందేశం వస్తే వెంటనే డిలీట్ చేయండి..లేదంటే అకౌంట్ ఖాళీ!

ఆదాయపు పన్ను రిటర్న్‌ల దాఖలుకు చివరి తేదీ ముగిసింది. దేశవ్యాప్తంగా 7 కోట్ల మందికి పైగా ఐటీఆర్ దాఖలు చేశారు. ఇప్పుడు ఆదాయపు పన్ను రీఫండ్ పేరుతో మోసాల ఆట మొదలైంది. అటువంటి పరిస్థితిలో, ఐటీఆర్ దాఖలు చేసిన పన్ను చెల్లింపుదారులందరూ జాగ్రత్తగా ఉండాలి. ఆదాయపు పన్ను రీఫండ్ పేరుతో హైటెక్ మోసానికి పాల్పడుతున్నారు. పన్ను చెల్లింపుదారుల మొబైల్ ఫోన్‌లకు సైబర్ దుండగులు నకిలీ ఆదాయపు పన్ను రీఫండ్ సందేశాలను పంపుతున్నారు.

READ MORE: Nagarjuna Sagar: నేడు తెరుచుకోనున్న నాగార్జున సాగర్‌ గేట్లు..

ఈ సందేశాలలో.. ఆదాయపు పన్ను రీఫండ్ మొత్తాన్ని విడుదల చేయడానికి లింక్‌పై క్లిక్ చేయమని వినియోగదారులను కోరుతున్నారు. పన్ను చెల్లింపుదారులు ఈ నకిలీ లింక్‌పై క్లిక్ చేసిన వెంటనే, వారి బ్యాంకు ఖాతాల నుంచి డబ్బు విత్‌డ్రా అయిపోతోంది. సైబర్ మోసగాళ్లు చేస్తున్న ఈ మోసంపై కోట్లాది మంది పన్ను చెల్లింపుదారులను ఆదాయపు పన్ను శాఖ హెచ్చరించింది. ఆదాయపు పన్ను రీఫండ్ పేరుతో ఎలాంటి లింక్‌పై క్లిక్ చేయవద్దని ఆదాయపు పన్ను శాఖ సూచించింది. మొబైల్‌లో వచ్చిన ఓటీపీ, పాన్ కార్డ్,ఇతర ముఖ్యమైన సమాచారాన్ని ఎట్టి పరిస్థితుల్లోనూ షేర్ చేయవద్దని కూడా కోరింది. అదే సమయంలో, సైబర్ సెల్ కూడా ఐటీఆర్ పేరుతో వచ్చే ఇలాంటి సందేశాల గురించి ప్రజలను హెచ్చరించింది. ఇలాంటి మెసేజ్‌లు బ్యాంకులను మోసం చేసే కొత్త వ్యూహాలని, కాబట్టి మీరు జాగ్రత్తగా ఉండాలని తెలిపింది. మీ పరిచయస్తులను కూడా అప్రమత్తం చేయాలని సైబర్ క్రైమ్ పోలీసులు పేర్కొన్నారు.