Male Fertility: పురుషుల సంతానోత్పత్తిని మెరుగుపరిచే 5 విషయాలు

Male Fertility: గర్భధారణ విషయానికి వస్తే మహిళల పునరుత్పత్తి ఆరోగ్యం గురించి చాలా మంది తరచుగా మాట్లాడుతారు. అయితే పురుషుల పునరుత్పత్తి ఆరోగ్యం కూడా మహిళల మాదిరిగానే అంతే ముఖ్యం. పురుషుల పునరుత్పత్తి ఆరోగ్యంపై కూడా సమాన శ్రద్ధ అవసరం. గత నాలుగు దశాబ్దాలలో భారతదేశంతో సహా ప్రపంచవ్యాప్తంగా స్పెర్మ్ కౌంట్ 50 శాతానికి పైగా క్షీణించిందని తాజా అధ్యయనం సూచిస్తుంది. పునరుత్పత్తి ఆరోగ్యం అనేది ఒక వ్యక్తి మొత్తం ఆరోగ్యాన్ని సూచిస్తుంది. స్పెర్మ్ కౌంట్‌తో సహా, దాని లోపం దీర్ఘకాలిక వ్యాధులకు దారితీస్తుంది. తమ జీవిత కాలాన్ని కూడా తగ్గిస్తుంది. కాబట్టి పురుషుల సంతానోత్పత్తిని ఏ అంశాలు ప్రభావితం చేస్తాయో. వాటిని ఎలా మెరుగుపరచవచ్చో తెలుసుకుందాం.

1. మీ చుట్టూ ఉన్న వాతావరణాన్ని మెరుగుపరుచుకోవాలి..
గత కొన్నేళ్లుగా ప్లాస్టిక్ వినియోగం, కాలుష్యం, కర్బన ఉద్గారాలు, గ్లోబల్ వార్మింగ్ కారణంగా మన పర్యావరణం చాలా నష్టపోయింది. ఇది మన ఆరోగ్యంపై కూడా ప్రత్యక్ష ప్రభావం చూపుతుంది. గత కొన్ని దశాబ్దాలుగా క్యాన్సర్, దీర్ఘకాలిక వ్యాధులతో పాటు సంతానోత్పత్తి కూడా తగ్గడానికి ఇదే కారణం. వాయు కాలుష్య స్థాయిలు పెరుగుతున్నాయి. ఇది మన సంతానోత్పత్తితో సహా మన మొత్తం ఆరోగ్యాన్ని ప్రభావితం చేస్తుంది. మీ సంతానోత్పత్తిని మెరుగుపరచడానికి, మీరు కాలుష్యాన్ని కలిగించే వాటిని జీవితంలో నుంచి తీసివేయాలి. ఇందులో ప్లాస్టిక్ వాడకాన్ని తగ్గించడంతో కృత్రిమ స్వీటెనర్, కృత్రిమ రుచులు, ఆహార సంరక్షణకారుల వాడకాన్ని నివారించాలి. ఎందుకంటే అవి స్పెర్మ్ కౌంట్, నాణ్యతను తగ్గించడానికి పని చేస్తాయి.

Also Read: Karnataka : ఛీ.. ఛీ.. వీడు అస్సలు మనుషులేనా? మూగ జీవాలను కూడా వదలట్లేదు..

2. ఎలక్ట్రానిక్ గాడ్జెట్ల వాడకాన్ని తగ్గించండి
ఈ డిజిటల్ ప్రపంచంలో మొబైల్, ట్యాబ్, ల్యాప్‌టాప్ వాడకం సర్వసాధారణం. ఇప్పుడు వాటిని ఉపయోగించకుండా చేయడం అసాధ్యం అనిపిస్తుంది. అయినప్పటికీ అవి మన ఆరోగ్యంపై కూడా చెడు ప్రభావాన్ని చూపుతాయి. కాబట్టి వీలైనప్పుడల్లా వాటిని మీ నుంచి దూరంగా ఉంచండి. ఇటీవలి అధ్యయనం ప్రకారం, ప్యాంటు జేబులో ఉంచుకున్న సెల్‌ఫోన్ నుంచి వెలువడే వైఫై సిగ్నల్ స్పెర్మ్ చలనశీలత, నాణ్యతను ప్రతికూలంగా ప్రభావితం చేస్తుంది.

3. పెద్ద వయస్సులో పిల్లలను ప్లాన్‌ చేసుకోవడం
పోటీతో నిండిన నేటి జీవితంలో చాలా మంది జంటలు తమ వ్యక్తిగత జీవితం కంటే వృత్తిపరమైన జీవితానికే ఎక్కువ ప్రాధాన్యత ఇస్తారు. దీని కారణంగా వారు 30 ఏళ్ల తర్వాత పిల్లల కోసం ప్లాన్ చేస్తారు. సైన్స్ ప్రకారం, వయస్సుతో పాటు స్పెర్మ్ నాణ్యత తగ్గుతుంది. ఆ సమయంలో గర్భం కష్టమవుతుంది. చాలా తక్కువ మంది పురుషులకు దీని గురించి తెలుసు. స్త్రీలు, పురుషులు ఇద్దరికీ ప్రసవ వయస్సు 30 సంవత్సరాల కంటే తక్కువ, 35 సంవత్సరాల వరకు పొడిగించవచ్చు. ఈ వయస్సు తర్వాత సమస్యలు పెరుగుతాయి.

Also Read: Roshini App: “కంటిశుక్లాల”ను గుర్తించే యాప్.. డెవలప్ చేసిన టీనేజర్..

4. ధూమపానం లేదా మద్యం సేవించడం
సిగరెట్ తాగడం, ఆల్కహాల్ తీసుకోవడం లేదా పొగాకును రోజూ ఉపయోగించడం వంటివి కూడా స్పెర్మ్ చలనశీలత, నాణ్యతను ప్రభావితం చేస్తాయి. వృషణ కణజాలం చాలా సున్నితంగా ఉంటుంది. ధూమపానం లేదా మద్యం సేవించడం వల్ల వెలువడే ట్యాక్సిన్స్ చాలా ప్రమాదకరం. ఈ టాక్సిన్స్‌ బహిర్గతం కావడం వల్ల స్పెర్మ్ ఉత్పత్తి తీవ్రంగా దెబ్బతింటుంది. ఈ హానికరమైన పదార్థాలు కూడా ఉత్పరివర్తనాలకు కారణమవుతాయి, ఇది పిండంలో సమస్యలు, పుట్టినప్పుడు శిశువులో లోపాలను కలిగిస్తుంది. సంతానోత్పత్తిని మెరుగుపరచడానికి పురుషులు తమ జీవితాల నుండి అటువంటి విషపూరితమైన వాటిని వెంటనే తొలగించాలి.

5. ఆరోగ్యకరమైన జీవనశైలిని అలవరచుకోవాలి.
కొవిడ్ -19 మహమ్మారి నుంచి యువతలో మధుమేహం, రక్తపోటు, ఊబకాయం వంటి తీవ్రమైన వ్యాధులు ఉండటం సర్వసాధారణం. మహమ్మారి నుంచి చాలా మంది ఇప్పటికీ ఇంటి నుండి పని చేస్తున్నారు. శారీరక శ్రమ తగ్గడంతో పాటు జంక్ ఫుడ్ వినియోగం పెరిగింది. ప్రజలు తమ ఇళ్లకే పరిమితమయ్యారు. దీని కారణంగా మానసిక ఆరోగ్యం కూడా ప్రభావితమైంది. పురుషులలో సంతానోత్పత్తికి సంబంధించిన సమస్యలు కూడా పెరిగాయి. ఇది కాకుండా నిద్ర లేకపోవడం కూడా సంతానోత్పత్తిని ప్రభావితం చేస్తుంది. జీవితం నుంచి ఒత్తిడిని తొలగించడానికి ప్రతిరోజూ వ్యాయామం చేయాలి. వ్యాయామంతో పాటు ధ్యానం చేయాలి. ఆరోగ్యకరమైన ఆహారపు అలవాట్లను అలవరచుకోవాలి. నిద్ర అలవాట్లను మెరుగుపరచుకోవాలి. పురుషులు, మహిళలు ఇద్దరూ జీవనశైలిని మెరుగుపరుచుకోవాలి. వారి సంతానోత్పత్తిని మెరుగుపరచడానికి కార్యాచరణ స్థాయిలను పెంచుకోవాలి.