NKR21: కళ్యాణ్ రామ్ కొత్త సినిమా ‘ఫిస్ట్ ఆఫ్ ఫ్లేమ్’ చూశారా?

Kalyan Ram New Movie NKR 21’s Fist Of Flame: నందమూరి కళ్యాణ్ రామ్ గతేడాది ‘డెవిల్’ సినిమాతో ప్రేక్షకుల ముందుకు వచ్చారు. ఈ చిత్రం ప్రేక్షకులను పెద్దగా ఆకట్టుకోలేదు. ప్రస్తుతం ప్రదీప్ చిలుకూరి దర్శకత్వంలో ‘NKR21’ చేస్తున్నారు. ముప్పా వెంకయ్య చౌదరి సమర్పణలో అశోక్ క్రియేషన్స్ మరియు ఎన్టీఆర్ ఆర్ట్స్ పతాకాలపై అశోక్ వర్ధన్ ముప్పా, సునీల్ బలుసు ఈ చిత్రంను నిర్మిస్తున్నారు. నేడు నందమూరి తారక రామారావు జయంతి సందర్భంగా NKR21 నుంచి ఫస్ట్‌ గ్లింప్స్‌ రిలీజ్ చేశారు.

‘ఫిస్ట్ ఆఫ్ ఫ్లేమ్’ అని NKR21 నుంచి చిత్ర యూనిట్ ఓ వీడియో రిలీజ్ చేసింది. వీడియోలో కళ్యాణ్ రామ్ పిడికిలి, కళ్లను చూపించారు. సినిమాలో కళ్యాణ్ రామ్ పాత్ర ఎంత దృఢంగా ఉండబోతుందో వీడియో చూస్తే తెలుస్తోంది. కళ్యాణ్ రామ్‌ని కొత్త గెటప్‌లో చూపించారు. ఈ సినిమా హై-బడ్జెట్ ఎంటర్‌టైనర్‌ అని విజువల్స్ బట్టి తెలుస్తోంది. ప్రస్తుతం ఈ వీడియో సోషల్ మీడియాలో వైరల్ అవుతోంది. కళ్యాణ్ రామ్‌ హిట్ కొట్టాలని నందమూరి ఫాన్స్ కోరుకుంటున్నారు.

Also Read: Anand Deverakonda: ఆనంద్‌ దేవరకొండ సినిమా చేస్తాడా అనుకున్నా: వంశీ కారుమంచి

ఈ చిత్రంలో సీనియర్ నటి విజయశాంతి నటిస్తున్నారు. సరిలేరు నీకెవ్వరు తర్వాత ఆమె ఈ సినిమాకు ఆమె సైన్ చేశారు. ఈ చిత్రంలో సోహెల్ ఖాన్, సాయి మంజ్రేకర్, శ్రీకాంత్ కీలక పాత్రలు చేస్తున్నారు. ఈ సినిమా షూటింగ్‌ ఇప్పటికే మొదలైంది. ప్రస్తుతం హైదరాబాద్‌లో ప్రొడక్షన్‌ పనులు జరుగుతున్నాయి. ఈ చిత్రానికి కాంతార ఫేమ్ మ్యూజిక్ డైరెక్టర్ అజనీష్ లోక్ నాథ్ సంగీతం అందిస్తున్నారు.