Uttar Pradesh: కనీసం అలాంటప్పుడు కూడా సెలవు ఇవ్వరు: కానిస్టేబుల్ ఆవేదన

Uttar Pradesh: ఒత్తిడితో కానిస్టేబుల్స్ చాలా మంది ఆత్మహత్య చేసుకున్న ఘటన ఈ మధ్యకాలంలో కలకలం రేపింది. ఉత్తరప్రదేశ్ లో వీరి పరిస్థితి మరీ దారుణంగా మారింది. దీని గురించి ఆవేదన వ్యక్తం చేస్తూ ఓ కానిస్టేబుల్ సోషల్ మీడియాలో 4 నిమిషాల వీడియోను పోస్ట్ చేశాడు. ఈ వీడియో చూస్తే కన్నీళ్లు వచ్చేలా ఉంది. వివరాల ప్రకారం యూపీలోని బాగ్‌పట్‌ పోలీస్‌ డిపార్టుమెంట్‌కు చెందిన కానిస్టేబుల్ ఓం వీర్‌సింగ్‌ రాష్ట్రంలో వారి దుస్థితి గురించి ఓ వీడియో పోస్ట్ చేసి సోషల్ మీడియాలో పోస్ట్ చేశారు.గడిచిన రెండేళ్లలో దాదాపు 10 నుంచి 12 మంది కానిస్టేబుళ్లు ఆత్మహత్యలకు పాల్పడ్డారు. ఈ విషయాన్ని ఉటంకిస్తూ తమపై చాల ఒత్తిడి ఉంటుందని, తమకు ఎందుకు ఇలాంటి దుస్థితి అని ఓం వీర్ ప్రశ్నించారు. పాల్పడ్డారని, రెండు రోజుల క్రితం కూడా అయోధ్యలో ఒక కానిస్టేబుల్‌, మీరట్‌లో ఒక కానిస్టేబుల్‌ తమ సర్వీస్‌ రైఫిల్స్‌లో కాల్చుకుని ప్రాణాలు తీసుకున్నారని ఆవేదన వ్యక్తం చేశారు.

Also Read: Multibagger Stock: 1200శాతం పెరిగిన టాటా కంపెనీ షేర్లు.. కొన్నవాళ్లు కోటీశ్వరులు కావడం ఖాయం

ఇక ఓం వీర్‌సింగ్‌ దుఃఖం ఆపుకుంటూ చెప్పిన ఓ విషయం గుండెలను పిండేస్తుంది. ఈ ఏడాది జూలై 20న తన సోదరి మరణించిందని, దాంతో సెలవు కావాలని అడిగితే పై అధికారులు ఇవ్వలేదని, తాము మనుషులం కాదా అని ప్రశ్నించారు. ఇక స్వస్థలంలో కాకుండా వేరే చోట తమ పోస్టింగ్ ఉంటుందని, కనీసం స్వగ్రామంలో పోస్టింగ్ వేసిన తమ వారి సెలవులు లేనప్పటికి తమ వారిని చూసుకుంటూ ఉంటామని వీర్ సింగ్ పేర్కొ్న్నారు. దూరప్రాంతంలో పోస్టింగ్ వల్ల రోజులు తరబడి అక్కడే ఉండాల్సి వస్తుందని, ఆఖరికి మనుషులు మరణించినా వెళ్లలేకపోతున్నామని ఆవేదన వ్యక్తం చేశారు. ఈ వీడియో చూసిన ప్రతి ఒక్కరు ఉన్నతాధికారులు ఇప్పటికైనా కానిస్టేబుళ్ల పరిస్థితి అర్థం చేసుకోవాలని కోరుతున్నారు. ఈ వీడియో చూస్తే గుండె తరుక్కపోతుందని, చాలా బాధగా ఉందని నెటిజన్లు పేర్కొంటున్నారు. సోషల్ మీడియాలో వైరల్ అయిన ఈ వీడియో చూసి అయినా ఉన్నతాధికారులు మారతారో లేదో చూడాలి మరి.

Video of UP police constable Omveer Singh from Baghpat has surfaced on social media. Directs attention towards the cases of suicide by cops. "I am hurt because my sister died on July 20. My leave was not approved," he said. pic.twitter.com/hGOudoOVHx

— Piyush Rai (@Benarasiyaa) August 27, 2023