EPFO claim Limit: ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) సంబంధిత ఉద్యోగుల ఖాతా హోల్డర్లకు ఒక శుభవార్త. ఈపిఎఫ్ఓ ఆటో క్లెయిమ్ సెటిల్‌మెంట్ సదుపాయం పరిమితిని రూ.50,000 నుండి రూ. 1 లక్షకు పెంచింది. ఇక్కడ మరో విశేషమేమిటంటే.. ఇల్లు కట్టుకోవడానికి, పెళ్లి పనుల కోసం అడ్వాన్స్ తీసుకునేవారిపై కూడా ఈ సదుపాయం ఇప్పుడు వర్తించనుంది. దీనితో 27.74 కోట్ల మంది ఉద్యోగులు దీని ప్రయోజనం పొందనున్నారు. ‘ఈజ్ ఆఫ్ లివింగ్’ను సులభతరం చేయడానికి ఆటో క్లెయిమ్ సొల్యూషన్ ఇప్పుడు EPF స్కీమ్, 1952లోని ఆర్టికల్ 68K (విద్య, వివాహ ప్రయోజనం) ఇంకా 68B (గృహ ప్రయోజనం) కింద అన్ని క్లెయిమ్‌లకు వర్తిస్తుంది. ఈ ఆర్థిక సంవత్సరంలో 1.15 కోట్ల క్లెయిమ్‌లు ఆటోమేటిక్ సెటిల్‌మెంట్ పద్ధతి ద్వారా పరిష్కరించబడ్డాయి.
Also Read: Airtel Black Offer: రీఛార్జ్ ఒక్కటే.. ప్రయోజనాలు ఎన్నో
ఇటీవల కేంద్ర కార్మిక, ఉపాధి మంత్రి మన్‌సుఖ్‌ మాండవ్య అధ్యక్షతన జరిగిన సెంట్రల్‌ బోర్డ్‌ ఆఫ్ ట్రస్టీస్‌ (CBT) 236వ సమావేశంలో అనేక ప్రధాన అంశాలపై సమాచారం అందించారు. ఈ సమావేశంలో ఆటోక్లెయిమ్ సెటిల్‌మెంట్ పరిమితిని పెంచినట్లు EPFO ద్వారా తెలియజేయబడింది. ఉద్యోగుల డిపాజిట్ లింక్డ్ ఇన్సూరెన్స్ స్కీమ్ ప్రయోజనాలను 28 ఏప్రిల్ 2024కి ముందు తేదీ నుండి అమలు చేయాలని నిర్ణయించారు. కనిష్ట బీమా ప్రయోజనం రూ. 2.5 లక్షలు నుండి గరిష్టంగా రూ. 7 లక్షల వరకు ఈ క్లెయిమ్ వర్తిస్తుంది. ELI పథకంలో, ఉద్యోగి మరణంపై ఆధారపడిన వారికి బీమా రక్షణ ఇవ్వబడుతుంది.