England become first team to lose against 11 Test-playing nations in World Cup: ఐసీసీ వన్డే ప్రపంచకప్‌ 2023లో టైటిల్ ఫేవరెట్‌, డిపెండింగ్ ఛాంపియన్ ఇంగ్లండ్‌కు భారీ షాక్ తగిలింది. పసికూన అఫ్గానిస్తాన్‌ చేతిలో దారుణ ఓటమిని మూటగట్టుకుంది. ప్రపంచకప్‌లో భాగంగా ఆదివారం అఫ్గాన్‌తో జరిగిన మ్యాచ్‌లో ఇంగ్లీష్ జట్టు 69 పరుగుల తేడాతో ఓడిపోయింది. అఫ్గానిస్తాన్‌ స్పిన్నర్ల ధాటికి 40.3 ఓవర్లలో 215 పరుగులకే ఆలౌట్ అయిన ఇంగ్లండ్.. ఓ చెత్త రికార్డును మూటగట్టుకుంది. ప్రపంచకప్‌ చరిత్రలో అన్ని టెస్ట్‌ ప్లేయింగ్‌ జట్ల చేతుల్లో ఓడిన జట్టుగా రికార్డుల్లో నిలిచింది.
1975 ప్రపంచకప్‌లో ఆస్ట్రేలియా చేతిలో ఓడిన ఇంగ్లండ్.. 1979 ప్రపంచకప్‌లో వెస్టిండీస్‌ చేతిలో ఓడిపోయింది. 1983, 1987 ప్రపంచకప్‌లలో భారత్‌, న్యూజిలాండ్‌, పాకిస్తాన్‌ జట్ల చేతుల్లో ఇంగ్లీష్ జట్టు ఓటమిని ఎదుర్కొంది. 1992 ప్రపంచకప్‌లో పసికూన జింబాబ్వే చేతిలో ఘోర పరాజయాన్ని చవిచూసింది. ఇక 1996 ప్రపంచకప్‌లో శ్రీలంక, దక్షిణాఫ్రికా జట్లపై పరాజయాలు ఎదుర్కొంది.
Also Read: Telangana Elections 2023: అధికార బీఆర్‌ఎస్ పార్టీకి బిగ్ షాక్.. నేడు కాంగ్రెస్‌లోకి..!
2011 ప్రపంచకప్‌లో ఇంగ్లండ్ జట్టుకు ఊహించని పరాభవం ఎదురైంది. ఐర్లాండ్‌ చేతిలో దారుణమాగి ఓడిపోయింది. 2015లో ఇంగ్లండ్‌కు మరో బిగ్ షాక్ తగిలింది. బంగ్లాదేశ్‌ చేతిలో ఓటమిపాలైంది. ఇక 2023 ప్రపంచకప్‌లో పసికూన ఆఫ్ఘనిస్తాన్‌ చేతిలో పరాజయం పాలైంది. దాంతో ప్రపంచకప్‌ చరిత్రలో అన్ని టెస్ట్‌ దేశాల చేతుల్లో ఓడిపోయిన తొలి జట్టుగా ఇంగ్లండ్ నిలిచింది. 2023 ప్రపంచకప్‌లో మూడు మ్యాచ్‌లు ఆడిన ఇంగ్లీష్ జట్టు ఒకే మ్యాచ్ గెలిచింది.